DILI, STLNEWS.co – Operasaun Bis Damri sei fo benefisiu ba setor privadu Timor Leste ho Indonezia, tanba parte rua konkorda ona katak, Damri halo operasaun mai TL no setor privadu TL mos prepara ona nia bis atu halo operasaun Dili ba Kupang.
“Hau hanoin benefisiu laos parte ida deit, maibe setor privadu rai rua nee hetan hotu. Nee hanesan negosiu boot ida neebe setor privadu husi rai rua nee sei halo, importante ba ita mak kria nafatin amizade entre rai rua nee iha futuru mai,” kestaun nee fo sai husi Visi Prezidente Kamara Komersiu Industria Timor Leste (CCI-TL – sigla portugues), asuntu Interna, Alberto Carvalho Araujo ba STL iha Salaun Delta Nova, Sesta nee (17/03/2023).
Nia katak, husi TL nian feto emprezarial sira hahu prepara ona bis, tanba nee husu ba governu atu kria hela kondisaun, liu-liu fatin ka terminal neebe bis sira nee bele para ba, nunee bainhira bis nee halo operasaun karik, too iha Terminal mak nia bele para ba.
Tuir nia katak, bainhira bis nee halo operasaun, governu tenki halo lintas batas, halai husi neebe too iha neebe, ho nunee sira labele melangar ba mai, no determina sira nia fatin atu para iha neebe, tan nee tenki prepara fasilidade infraestrutura molok implementa politika ida nee.
(mad)
