DILI, STLNEWS.co – Polisia Nasional Timor Leste (PNTL) liu husi operasaun Kuarta kalan (20/04) iha Kapital Dili, konsege prende kareta 3 ho motor 14, tanba viola lei kodigu estrada.
“Liga ba informasaun katak, ema sei lori sasan kroat, halo ida nee halo ida neeba, entaun ita halo hela operasaun nee. Inklui haree mos dokumentu ba transporte sira, tanba nee mak ita nia alvu nee haree liu ba sasan kroat, tanba iha informasaun neebe espalha katak, deskonfia ema ka grupu balu mak utiliza sasan kroat hodi halo movimentu ba mai iha Dili, no operasaun kalan nee ita prende kareta 3 no motor 14,” dehan Komandante PNTL Munisípiu Dili, Superintendente Xefi Polisia, Henrique da Costa ba jornalista sira iha Komando Munisipiu Dili, Kinta nee (21/04/2022).
Tanba nee, nia nafatin husu ba iha komunidade sira neebe karik hetan ou konhese ema ruma neebe lansa informasaun oin-oin iha media sosial ho liafuan kroat, bele informa direta ba parte PNTL hodi foti medida sira tuir lei haruka.
(efi)
