ORHF Kondena Aktu Brutalismu Oknum Polisia Iha Lahane; Reforma PNTL

DILI, STLNEWS.co – Organizasaun Rezistensia Hadomi FRETILIN (ORHF), husi estrutura nasional too membru iha baze kondena makaas aktu brutalismu husi oknum polisia ajente xefe ho inisial MJ tiru mate sidadaun nain rua, aman mate iha fatin, oan mate iha Hospital Nasionál Guido Valadares (HNGV), no vitima ida seluk kanek iha ain sei hetan tratamentu intensivu.

ORHF hakarak hatoo solidariedade ba familia matebian veteranu saudozu Lorotaek-Mateus de Jesus no nia oan mane Camilo neebe mak hetan oho no membru família ida hetan kanek husi aktu oknum Polísia, iha madrugrada loron 5 fulan Juñu.

Tanba nee, ORHF husu ba governu liu husi Ministru Interior atual Primeiru Ministru Taur Matan Ruak atu halo reforma ba instituisaun Polísia Nasional Timor-Leste (PNTL), tanba iha membru barak komete aktu brutalismu no hamate sidadaun ho arma estadu nian.

“Ami kondena makaas aktu brutalismu ida nee, no husu ba orgaun kompetente sira atu halo investigasaun klean hodi hatene justisa no imparsialidade. Tanba nee ORHF husu atu halo reforma iha PNTL nia laran ho urjensia, hodi hadia instituisaun no membru tomak nia atitude, nunee serbi diak liutan ita nia povu tuir lema PNTL “Servir e Proteger”, laos atu halo asaun lori kilat nasaun nian oho fali nia povu rasik, muitu menus hanesan veteranu ida neebe mak kontribui ona ba luta ba independensia rai Timor-Leste,” hatete Prezidente ORHF, Abilio Mesquita “Dallas Mausoko” liu husi komunikadu neebe STL asesu iha Sabadu kalan (05/06/2021).

Ikus-liu, Prezidente ORHF, Abilio Mesquita “Dallas-Mausoko” no Sekretáriu Jeral ORHF, Joaquim Fernandes, lori estrutura no membru hatoo sentidu kondolensia ba família enlutada no deskansa iha rohan laek saudozu Lorotaek ho nia oan mane Camilo.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: