Orsamentu Hadia Estrada Viqueque Alokadu, Assanami: Seidauk Serteza

DILI, STLNEWS.co – Membru Parlamentu Nasional preokupa ho estrada ligasaun Baucau ba Viqueque, Uatulari no Uatucarbau, dehan aloka ona osan maibe too agora governu seidauk serteza bainhira maka atu hahu.

“Dehan governu aloka ona orsamentu atu hadia estrada husi Baucau, ba Viqueque, maibe too agora seidauk iha serteza, la hatene bainhira los maka obras nee bele hahu, no kompania ida neebe maka atu kaer, tanba estrada husi Baucau ba Viqueque nee nasional, no ba fali Uatulari – Uatucarbau nee regional tama too iha Ilomar Lospalos, tan nee atu konfirma deit projetu nee lao ho osan ida neebe investe ona ka lae,” dehan Deputadu Bankada PD, Mariano Assanami ba STL, iha Parlamentu Nasional.

Nia afirma, estrada Laga ba Kelikai nomos Venilale laran tama mos iha kategoria estrada nasional, tanba nee husu ba governu atu hadia, tanba orsamentu ba obras nee alokadu tiha ona, tan nee bainhira los maka obra nee atu lao, tanba povu hein hela.

Iha fatin hanesan Deputadu, Domingos de Carvalho mos hatutan, problema estrada neebe aat laos, iha parte Baucau ba Viqueque nian deit, maibe iha parte Ermera nian mos too agora governu seidauk hadia, tanba estrada aas fo impaktu ba povu agrikultur sira atu lori produtu lokal ba merkadu, iha Ermera agora tempu kafe.

“Hau hanoin estrada sira neebe maka governu tau ona iha planu no propoin ona osan nee, tenke hadia dadauk ona, atu nunee tinan tuir fali mai nee bele haree fali problema seluk, ou bele hadia fali estrada iha Munisipiu seluk neebe maka too oras nee sei defikulta hela povu, susar atu asesu ba merkadu,” dehan Deputadu nee.*

Reportajen: Madalena Horta/Guilhermina Franco
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: