Orsamentu Privativu PN Tokon US$ 14.700

DILI, STLNEWS.co – Vise Prezidente Parlamentu Nasional (V-PPN), Maria Angelina Lopes Sarmento hatete, orsamentu privativu Parlamentu Nasional ba ano fiskal 2022 neebe governu atribui mai ho montante tokon US$ 14.900, maibe iha diskusaun Konsellu Administrasaun orsamentu privativu tinan 2022 PN nian tetu fiskal tokon US$ 14.700 resin.

Nia dehan, husi loron 1 to’o loron 2 fulan nee, Konsellu Administrasaun halo ona diskusaun konaba orsamentu privativu PN ba ano fiskal 2022,   orsamentu privativu ida nee preve ba programa sira neebe uza ona formatu orsamentu por programas.

Tanba nee iha programa 5 ba tinan 2022 nian neebe PN sei implementa maka, iha sub-programas nomos iha atividades. Entaun iha programa balu, iha sub-programa 1 ho atividade 1 ou 2, maibe iha programa balu iha sub-programa to’o 3 ou 4 no iha atividades bele to’o 10 i 19. Programa sira nee hotu reflete ba PN ninia planu estratejiku ba lejislatura nian, neebe elabora no aprova husi deputadu sira, hodi halao PN nia dezenpenu ho diak tuir mandatu konstituisional orgaun soberanu PN nian.

“Orsamentu privativu neebe mak governu atribui mai PN nia montante millaun US$ 14.900 resin, maibe iha diskusaun Konsellu Administrasaun horiseik orsamentu ba privativu 2022 PN ninia tetu fiskal mak, Millaun US$ 14.700 resin,” dehan Visi Prezidente Parlamentu Nasional Maria Angelina Lopes Sarmento ba jornalista iha PN, Sesta (03/09/2021).

Nia dehan, redusaun ida nee mai husi kapital minor neebe PN deside hamenus, maibe PN mos hanoin tinan oin presiza iha ona konsilasaun ba edifisiu PN nian, maibe osan ida nee integra iha fundu das infraestrutura. Programa 5 nee oinsa mak reforsa PN nia knaar iha area lejislasaun fiskalizasaun no halo rezolusaun ba lei sira, nomos oinsa atu hametin kooperasaun no lasu amizade ho entidades sira, inklui parseru dezenvolvimentu iha nivel nasional ho internasional.

Nunee mos reforsa igualidade generu boa governasaun ho programa sira neebe mak, atu iha transparansia liu tan ba povu, liu – liu programa lian povu nian iha programa 5 nee reflete hotu buat neebe mak hatuur iha PN nia planu estratejiku ba dezenvolvimentu nian.

Konsellu Administrasaun aprova tiha tuir prosesu neebe mak iha meja PN sei baisa ba iha komisaun C, i komisaun C halo fali audensia ho diresaun idak – idak husi parlamentu nian atu hatene persentajen ejekusaun neebe mak alkansa ona iha tinan 2021, no programa neebe mak atu realiza iha tinan 2022. Depois mak komisaun C halo relatoriu paraser lori mai iha plenaria atu deputadu sira hola desizaun ba orsamentu privativu liu husi votasaun.

Aleinde nee iha nivel diskusaun Konsellu Administrasaun nian ho rezultadu ida neebe mak iha ona, Sekretariadu Jeral Parlamentu Nasional sei enkamina ba Ministeriu Finansas, liu – liu komite revizaun orsamentu para bele ba defende ona orsamentu iha komite revizaun orsamentu.

Primeira ves iha istoria PN nian neebe mak envelope fiskal neebe atribui husi governu mai PN so iha tinan 2022 nee mak PN halo esforsu atu tetu fiskal ida neebe PN simu la liu iha ninia orsamentu privativu.*

Reportajen: Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: