Orsamentu Retifikativu Billaun US$ 1 Destinadu Ba Veteranus, Futuru Sei Benefisiu

DILI, STLNEWS.co – Orsamentu retifikativu preve billaun US$ 1 ba veteranus neebe atu tau iha Banku Federal Amerika, hodi nunee funan hodi benefisiu fali ba veteranus sira.

Tuir deputadu husi Bankada FRETILIN, José Agustinho Somotxo, katak orsamentu billaun US$ 1 nee destinadu ba veteranus sira, bolu fundu para veteranus signifika temi veteranus nia naran, depois ba futuru nia funan ba veteranus sira, maibe seidauk hatene too wainhira mak orsamentu billaun US$ 1 nee hetan funan, atu nunee benefisiu ba veteranus sira.

“Billaun US$ 1 nee laos atu hodi rezolve problema veteranus sira nian, maibe sei investe iha banku depois funan mak foin uza ba veteranus sira. Neebe aban bainrua nia benefisiu sei ba veteranus sira,” katak Deputadu José Agustinho Somotxo ba STL Domingu (08/05/2002) liu husi telefone.

Nia dehan, mezmu seidauk hatene wainhira mak osan nee iha funan atu hodi rezolve problema veteranus, 0_3, 4_7, ho sira neebe mak presiza duni hetan apoia husi Konselhu Veteranus ka Ministeriu Asuntu Kombatentes konaba problema abitasaun, bolsu estudu, neebe aban bainrua funan iha duni permite mos ba veteranus sira atu asesu ba kreditu.

Kontinua ba pajina 2

LEAVE A REPLY

Please enter your comment!
Please enter your name here