DILI, STLNEWS.co – Tuir Xefi Bankada CNRT, Duarte Nunes, relasiona ho proposta orsamentu retifikativu tinan 2022 ho montante US$ 1.129.857.250 neebe governu aprezenta ba Parlamentu Nasional (PN) ho karakter urjensia, para bele hetan aprovasaun husi Prezidente Republika (PR) atual, kuandu la urjensia tauk la hetan aprova husu PR foun mai.
Nia dehan, se problema koalia konaba sosiu ekonomiku neebe mak hasoru iha rai laran ho provokadu husi funu neebe iha, ho pandemia neebe naruk, nusa la halo diskusaun normal para haree took aloka osan, ho osan neebe foin mak atinje 16%.
“Tuir lo-loos depois 6 mezes mak ita haree, mais dehan iha nesesidade atu ita haree, maibe nusa mak ita tenki aprova iha tempu agora tanba urjente loos, ou serake orsamentu nee tenki hetan aprovasaun husi PR atual nee, ka bele iha PR ida neebe atu mai nee, tanba lalais loos nee tauk tanba la promulga karik,” dehan nia liu husi plenaria extraordinaria iha PN, Sesta nee (29/04/2022).
Nia afirma, se hotu-hotu iha interese PR neebe atu mai mos haree katak, iha nesesidade nia sei promulga, maibe tanba sa halo buat ida ho lufu lafu derrepente deit mosu, kalan mehi ohin halo ona retifikativu.
“Hau seidauk komprende, tanba sa mak halo ho urjensia loos nee, ida nee hau presiza hetan esplikasaun diak para ita haree took se realmente urjente ou presiza tempu normal para halo diskusaun hodi haree lo-loos atu tau osan nee ba iha neebe, no ida neebe mak prioridade loos,” hakotu nia.
(dom)
