Osan Ransu Ba Forsa Iha Fronteira Laiha Problema

DILI, STLNEWS.co – Ministru Defeza Filomeno da Paixão de Jesus hatete osan ransu ba forsa neebe mak halo seguransa iha fronteira laiha problema.

“Osan ransu nunka iha problema ate agora tantu iha forsa hotu hotu iha osan ransu ba fulan fulan,” katak Ministru Defeza Filomeno da Paixão de Jesus ba jornalista bainhira remata hasoru malu ho Prezidente Republika Francisco Guterres Lú Olo iha Palasiu Prezidente Bairru Pite, Sesta (16/07/2021).

Nia hatete, konaba osan ba membru F-FDTL foun iha fronteira liu liu osan ransu nunka iha problema ate agora.

Nunee mos deklarasaun husi Vice Xefe Estado Falur Rate Laek neebe mak hatete iha area fronteira presiza iha postu nunee bele halo seguransa, hatan ba kestaun nee Ministru Defeza hatete nee parte operasional.

“Ida nee parte operasional liu ami iha instrusoens ona, tantu husu Prezidensial komu senhor Prezidente mosu, Primeiru Ministru komu mosu nusa ita konsolida seguransa iha neeba tenke enkuanta mos variante delta neebe atu tama mai nee, nee mak Xefe Estado Maior neste iha momentu iha terenu fronteira ba haree atu aumenta tan postu F-FDTL,” katak nia.

Prezidente Republika Francisco Guterres Lú Olo mos fo hanoin iha parte lejislasaun liu liu buat neebe mak ministru hatete ona iha parte konseitu estratejiku defeza seguransa, no konseitu estratejiku militar.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: