Padre Agostinho: Timor Ukun An Maibe Ekonomikamente Ema Maka Ukun

DILI, STLNEWS.co – Liu husi omilia Padre Agostinho, SDB hatete, baihira iha rai laran nuudar maun alin maka nafatin kria konfuzaun no mosu violensia oin – oin, maske politikamente Timor ukun an maibe ekonomikamente ema maka sei ukun.

“Hau hanoin loron mundial paz nian neebe ita selebra iha loron dahuluk inan lalehan nia festa, ita husu inan lalehan tulun ita liu husi nia oan atu muda neneik ita nia fuan. Ita haree mundu nee lao ba oin, ita nia moris mos tenke lao ba oin, se ita nia moris la lao ba oin, nee katak ita la lao ba oin, tanba problema ba ita maun alin sira bainhira iha rai laran nafatin konfuzaun no halo violensia sira seluk, entaun ema maka sei mai ukun ita, politikamente ita ukun an maibe ekonomikamente ema ukun ita,” dehan bibi atan nee liu husi omilia iha Igreja Maria Auxiliadora Comoro, Sabadu nee (01/01/2022).

Bibi atan nee dehan, “bainhira ema maka ukun ekonomia, ita labele dehan ukun an nee ibun deit, kuandu ekonomia nee ema mak domina,” esplika nia.

Tanba nee, inan aman ho joven sira tenke iha konsiensia katak, ita iha knaar ida nuudar ema sarani atu kuda paz, no inan aman sira tau matan ba ona sira, oan sira ita maka kous no ikus mai oan sira maka manda fali inan aman sira, nee labele.

“Hau hanoin responsabilidade ita hotu nian, maibe liu – liu nuudar inan aman nia knaar atu nafatin tau matan ba oan sira, tanba agora dadaun oan sira maka mangame loos halo konfuzaun tuda malu no oho malu iha fatin – fatin,” afirma bibi atan nee.

Nia hatuta, reza husu tulun ba Maromak iha tihan 2022 atu ita halo renovasaun, tanba sei iha akontesimentu Elisaun Prezidensial nian atu respeita ema nia direitu nee maka naran liberdade no demokrasia.

(dom)

LEAVE A REPLY

Please enter your comment!
Please enter your name here

NEWS UPDATE

Nilton: Kompetisaun LFTL Tinan Nee Realiza Nafatin

DILI, STLNEWS.co – Prezidente Liga Futebol Timor Leste (LFTL), Nilton Telmo Gusmão hatete, kompetisaun LFTL epoka tinan 2022 tenke realiza nafatin ho durasaun tempu...

Ekipa STL Corp. Hasoru Malu Ho General Manager Bank Mandiri Timor Leste

DILI, STLNEWS.co - Ekipa Suara Timor Lorosae Corporation (STL Corp.) neebe dirije husi Supervisor STL Corp, António César de Jesus Soares akompaña husi Redaktur...

Ezonera Tenente Jeneral Lere, Governu Nomeia Falur Ba XEMFA

DILI, STLNEWS.co – Konsellu Ministru (KM) aprova ona projetu governu nian konaba ezonera Tenente Jeneral Lere Anan Timur husi Xefe Estadu-Maiór Forsas Armadas (XEMFA) no nomeia...