DILI, STLNEWS.co – Relasiona ho deklarasaun balu neebe hasai liafuan la dignifika ema umanu, Jurista Timor oan Padre Crispin hatete, ida nee sala husi kandidatura sira, tanba la hatene prepara materia ba ema atu sae ba koalia iha palku kampanha.
“Se wainhira ita bolu ema neebe la preparadu, nia sae ba palku nia koalia arbiru deit, i la kontrola atu nia sae ba koalia saida, maibe ita naran ba harre, nia lori masa nain 50 mai, nia sae ba koalia ona, nia sae ba atu koalia saida, ida nee maka ita nia problema,” dehan nia ba STL iha nia knaar fatin, Pantai Kelapa, Dili, Tersa nee (12/04/2022).
Nia haktuir, pur ezemplu hanesan CNRT nia kandidatu Jose Ramos Horta koalia furak los konaba ema sira neebe maka ba servisu iha estranjeiru, derepenti ida sae ba koalia sobu tiha ida nee.
Iha fatin ketak, Akademiku Universidade Nasional Timor Leste (UNTL), Jose Magno haktuir, iha kampanha balu neebe fo sai liafuan S1 no S2 ba fokit manu fulun, ida nee termus retorika politika, talves ema bele kompriende, maibe iha perspetiva umanu otomatikamente ema senti menus, dignifika ema nia pesoal.
Kontinua ba pajina 2
