Padre Ferdinand Resuena, SVD Fila Ona Ba Nai Kadunan Santo

DILI, STLNEWS.co – Iha loron Kinta dader tuku 10:00 oras Filipina nian, Padre Ferdinand Resuena, SVD fila ona ba Nai nia Kadunan Santo, tanba moras neebe komplikadu.

Tuir Padre Richardo Pasang, SVD ba STL Kinta nee (14/10/2021) hatete, nia sente triste tanba lakon belun diak ida Padre Ferdy.

“Sentimentu triste los lakon ami nia membru ou misionariu ida neebe forte, espiritu misaun makaas hodi servi povu Timor Leste,” hatete Padre Richardo.

Nia hatutan, Padre Ferdinand naran baibain bolu Amo Ferdy, mate tanba moras komplikadu no seluk – seluk tan.

Amo Ferdy antes nee halao tratamentu iha Hospital Nasional Guido Veladares, no sai husi Dili ba Filipina iha loron 4 fulan Setembru tinan 2021, hodi halo tratamentu iha Filipina, iha nia rai rasik. Nia mate ou fila ba Nai nia kadunan santo iha loron Kinta oras tuku 10:00 Filipina nian. Oras Timor 11:00, Padre Ferdy halao misaun misionariu SVD iha Timor Leste, iha tinan 2005.

“Hau sente katak, triste loos ho kolaborasaun neebe Amo Ferdy hatudu ba SVD iha Timor Leste, hodi servi sarani sira iha Timor Leste, liu – liu sarani sira iha Uatulari,” katak nia.

Padre Ferdinand Resuena, SVD moris iha tinan 1970, Moris Filipinas no fila hikas ba Nai nia kadunan santo iha loron kinta (14/10/2021) iha oras tuku 10:00.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...