Padre Martinho Sei Kandidata An Ba PR

DILI, STLNEWS.co – Padre Martinho Gusmao sei kandidata an ba Prezidente Republika, hodi kompete iha eleisaun Prezidensial tinan 2022-2027.

Dehan Padre Martinho ba STL liu husi programa dada lia iha nia rezidensia Metiaut, Dili, Kinta lokraik (02/09/2021).

“Grupu lubuk ida husu hau nia hanoin katak, se Maromak mak hakarak, Maromak sei lori to’o rohan, neebe hau kandidata hau nia an,” hatete Padre Martinho.

Nunee partidu neebe mak antes nee husu padre, atu inklina an iha politiku, primeiru mak Partidu PLP no tuir mai partidu seluk.

“Uluk liu nee PLP, depois PLP ukun tiha ami laiha kontaktu, maibe depois tuir mai PD, maibe hau laiha reasaun nafatin, dala ruma lia anin husi CNRT mos, no ikus fali mai PUDD mos seidauk iha korajen atu deside, mezmu hau koalia ona, maibe hanesan menghibur hati deit, atu enkoraza hau nia an deit, maibe verdade hau la foti desizaun,” dehan padre nee.

Bainhira Xanana no CNRT bolu padre ba halo serimonia iha Mehara, padre haree oinsa Monsenhor Martinho da Costa Lopes ajuda Xanana lori funu to’o hotu.

“Hau mos sente katak, hau Pe. Martinho da Silva Gusmao hakarak ajuda Xanana to’o hotu, neebe hau deside iha nee, fila fali mak hau dehan ba PUDD, tanba PUDD deit mak 100% suporta hau,” katak nia.

Nia hatutan PD, PUDD, CNRT ho eis PLP no eis KHUNTO nee hanoin duni oinsa mak atu hadia nasaun nee, no hotu sente neon sala konaba saida mak akontese, aleinde nee iha mos Partidu FRETILIN nia laran mos iha. Partidu hotu – hotu iha kandidatu ona, maibe hakarak ka lakoi padre nia naran nafatin tau iha meza leten.

Nunee mos atu ba rejistu tribunal kriteria ida presiza apoiante 5.000 padre hatete, ekipa nee mai husi partidu oin – oin hanesan CNRT, PD, PUDD, eis PLP no eis KHUNTO, sura hamutuk rihun lima (5) ona. Nia hatete, nia fiar an katak militante 5.000 nee oituan.

Nunee mos Fundador Rede Observasaun Nasional Elisoens Timor Leste, Laurentino Alves hatutan se deit mak kandidata an bele, importante liu mak prienxe rekezitu artigu 75 Konstituisaun Republika Demokratiku Timor Leste (K-RDTL), konaba “elijibilidade” ba kandidatura PR hotu, katak tenke sidadaun Timoroan, idade minimu 35, iha kapasidade diak no hetan apoiantes ka hili husi ema minimu rihun lima.*

Reportajen: Emerenciana Pinto

Editora: Carme Ximenes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: