Paixão: Osan Rekrutamentu Membru F-FDTL Iha

DILI, STLNEWS.co – Ministru Defeza Filomeno da Paixão de Jesus hatete, osan ba rekrutamentu ba membru Falintil Forsa Defeza Timor Leste (F-FDTL) nee iha tanba aprova ona iha orsamentu ba 2021.

Ministru Defeza Filomeno Paixão hatoo kestaun nee ba jornalista bainhira remata hasoru malu ho Prezidente Republika Francisco Guterres Lú Olo iha Rezidensial PR, Farol, Tersa (11/05/2021).

“Osan iha tanba aprovadu tiha ona iha orsamentu 2021 nia ” hatete Ministru Defeza Filomeno Paixão.

Antes nee Tenente Jeneral Lere hatete muda rekrutamentu ba fulan Agosto tanba osan laiha, Ministru hatete osan iha.

“Prosesu halao hela. Talves nia deskorda katak tanba sa rekrutamentu inves ba Abril maibe ba komesa fali iha Agosto nee mak ami esplika hela ona katak osan ba tinan 2020 ita laiha osan so 2021 mak ita iha orsamentu, maibe iha buat barak mak prepara antes rekrutamentu ida mak infraestrutura, kajerna no seluk tan, no ida mak vasina ba Covid tanba nee mak ami fo tempu oituan se Agosto mak komesa nee diak liu” katak nia.

Paixao hatutan muda ba fulan Agosto mak halo rekrutamentu nee diak liu tan, nunee fo tempu atu halo vasina ba kandidatu sira.

“Agora fulan Maiu no Juñu nee vasina no vasina hirak nee mai husi Australia, Xina, tanba nee mak fo oportunidade ba kandidatu sira atu vasina no Agosto mak halo rekrutamentu nee diak liu.” tenik nia.

Nia hatutan konaba orsamentu hira mak aloka ba rekrutamentu nia mos ladun hatene, detallu Diretor jeral mak sei esplika maibe konaba rekrutamentu nee osan iha para rekruta ema 600.

“Ita iha vasina, ami hakerek ona ba Ministra Saude hatan ona katak sei fo prioridade ba kandidatu sira atu ba rekrutamentu” tenik nia.

Antes nee mos, komandante F-FDTL, Tenente-General Lere Anan Timur hatete rekrutamentu ba membru Forsa Defeza Timor Leste sei rekruta iha fulan Agosto tinan ida nee.

Lere hatutan, rekrutamentu muda ba fulan Agostu razaun tanba ida bele dehan osan mak komplikadu uitoan, laos Covid-19 nee bainhira ema tama ona Metinaro neeba nee militar kontrola diak, nee laos populasaun ba kuarentena neeba orsida dansa, tebe, toka viola iha neeba, bainhira militar neeba nee orden nee orden.

“F-FDTL hau la iha osan, agora dehan osan iha neebe, governu sira fo mak hau iha, osan mai husi governu.” katak nia.

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik an ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...
%d bloggers like this: