Pakote Somotxo-Rui, Estatutu FRETILIN Seidauk Fo Dalan

DILI, STLNEWS.co – Pakote Deputadu Jose Agostinho Sequeira “Somotxo” ho Rui Maria de Araujo seidauk bele preparadu, tanba estatutu seidauk fo dalan.

Deputadu Bankada FRETILIN Jose Agostinho Sequeira “Somotxo” hatete, forma pokote atu kompete iha kongresu nasional, tanba intensaun politika

“Intesaun politika ho pakote ba perparasaun seidauk, tanba estatutu seidauk fo dalan, se iha fulan Junu ajendamentu ba eleisaun direta, konserteza, determina ona loron ba eleisaun direta, no sei fo espasu tempu ba pakote sira, signifika katak, iha nee rejimentu ida tenke sai para fo kompetensia ba pakote sira, bele halo propaganda i bele halo kampana,” dehan nia ba jornalista sira iha PN, Kinta nee (30/09/2021).

Nia hatete, agora dadaun tuir estatutu, dalan laiha hanesan kritika malu, ka halo propaganda oin – oin, tanba nee iha sansaun disiplinar husi estatutu rasik. Maibe desizaun Komite Sentral FRETILIN prolonga mandatu lideransa nian, nomos membru Komite Sentral FRETILIN nian to’o quinto kongresu nasional, nee tanba situasaun Covid-19 halo partidu seidauk prepara diak, hodi realiza kongresu nasional.

Aleinde nee, Xefe Bankada PD Antonio da Conceicao dehan, relasiona ho kandidatu PD nian nee iha, maibe respeita ba mekanizmu partidu nian, seidauk bele fo sai.

“PD iha nia kandidatura, iha loron 20 fulan Novembru PD sei halo kongresu, maske ami seidauk hatene data ba eleisaun nee bainhira,” dehan nia.*

Reportajen: Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...