Papa Francisco Iha Vontade Vizita Timor Leste

DILI, STLNEWS.co – Reprezentante da Santa Se iha Timor Leste, Monsenhor Marco Sprizzi hatete, Papa Francisco iha vontade atu vizita Timor Leste.

Kestaun nee Monsenhor Marco Sprizzi hatoo ba jornalista bainhira remata relata mensajen Santo Padre Francisco nian ba Prezidente Republika Francisco Guterres Lú Olo iha Palasiu Prezidente, Bairru Pite, Kinta (30/06/2021).

“Enkontru ho Prezidente hau transmite mensajen husi Santo Padre Papa Francisco nia neebe mak nia simu iha loron 2 fulan Junnu, hakarak sira neebe mai husi autoridade masimu husi Timor Leste no Bispo no Povu Timor Leste hakarak Papa Francisco vizita Timor Leste, no Papa Francisco mos konfirma katak nia iha vontade no hatan dala tolu hau sei ba, hau sei ba, hau sei ba, iha Timor Leste,” hatete nia.

Nia dehan, Papa Francisco mos hakarak vizita Timor Leste maibe ida nee mos depende ba evolusaun pandemia Covid-19, tanba nee mak enkoraja ba hotu hotu atu simu vasina nunee bele proteje an. Tanba preokupasaun Papa Francisco nia presiza proteje an, nunee simu Papa Francisco hodi festeza hamutuk iha vizita Papa nia ho kondisaun diak.

Santa Se mos partila assuntu seluk ba Prezidente Republika katak, Papa Francisco hatoo agradasementu ba Prezidente Republika, Parlamentu Nasional, Primeiru Ministru, nomos ba opozisaun no hotu hotu iha parlamentu bele aprova mudansa ba lei imigrasaun de azilu nunee bele kumpre konaba konkordansia data Timor Leste ho Santa Se Vatikanu, neebe establese ba rezidensia ba misionariu sira.

Papa Franciaco mos hatoo agradese, no husu ba Prezidente Republika, Parlamentu Nasional no autoridade tomak inklui deputadu sira nunee bele realiza assuntu nee. Papa Francisco mos husu atu proteje nafatin sidadaun sira husi moras pandemia Corona Virus (Covid-19).

Iha enkontru nee, Prezidente Republika Francisco Lú Olo mos hatoo agradese ba Santo Padre Papa Francisco ba nia mensajen tomak, no PR mos konkorda mos kontiudu ba preokupasaun husi Papa Francisco nia ba kondisaun sanitaria neebe presiza garantia seguransa bainhira Papa Francisco vizita mai Timor Leste.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: