DILI, STLNEWS.co – Ohin deputadu sira iha Parlamentu Nasional (PN) hatoo sentidu kondolensia ba saudozu Domingos Savio Cabral Ribeiro alias Kiik-oan, ho rezultadu votasaun afavor 35, kontra 0 no abstensaun 0.
Ho nunee, deputadu sira halo votu pezar ho numeru 10/2022, ho rezultadu votasaun afavor 35, kontra 0 no abstensaun 0, tanba nee votu numeru 10/2022 aprovadu.
“Hau lori meza parlamentu nia naran no hau ho familia nia naran hatoo profundu sentidu kondolensia ba saudozu i kamarada Domingos Savio Cavral Ribeiro alias Kiik-oan, no mos ba kamarada sira hotu husi estrutura FRETILIN iha Munisipiu Baukau tomak no sentidu kondolensia tomak i ami nia solidaridade tomak ba kamarada Buibere Selestina Gusmão Cabral ho nia oan sira,” dehan Prezidente Parlamentu Nasional (PPN), Aniceto Longuinhos Guterres Lopes, liu husi plenaria extraordinaria iha PN, Sabadu nee (30/04/2022).
Nunee mos Xefi Bankada UDT, Deputadu Francisco David hatete, husi Bankada UDT hakarak hatoo profunda sentidu kondolensia ba familia enlutada, no saudozu Kiik-oan, deputadu iha IV lejislatura.
Kontinua ba pajina 2
