Parokia Aimutin Apoiu Nesesidade Bazika Ba Vitima Inundasaun

Igreja Parokia, São Jose Aimutin apoiu nesesidade bazika ba vitima inundasaun sira, neebe hetan afetadu husi akontese udan boot foin lalais iha loron Sabadu too Domingu. (Foto: STL/Blandina Mauno)

DILI, STLNEWS.co – Igreja Parokia, São Jose Aimutin apoiu nesesidade bazika ba vitima inundasaun sira, neebe hetan afetadu husi akontese udan boot foin lalais iha loron Sabadu too Domingu.

Xefe Estasaun Missionaria Nossa Senhora da Graca Manleuana Lesibutak, Luis Oan Jaga Marques hatete, apoiu nee husi igreja Parokia Aimutin liu husi sub Estasaun Missionaria Nossa Senhora da Graca Manleuana Lesibutak, agora dadaun nuudar xefe estasaun atende ba nesesidade bazika ba komunidade sira neebe mak hetan afetadu husi inundasaun akontese foin lalais nee, tanba nee sarani husi estasaun lesibutak barak mak hetan afetadu.

“Sasan ida nee independente husi Parokia rasik iha inisiativa fo orientasaun hodi tulun ita nia maluk sira neebe hetan afeta inundasaun, segundu halibur malu iha nee hau nuudar responsabel estasaun husu apoiu ba komunidade iha aldeia Lesibutak rasik ho tulun no falun hamutuk iha plastik, maski sasan oituan hodi fahe ba komunidade sira. Sasan neebe husi parokia hanesan fos, supermi, mina bimoli, sabaun, rinso, Hena toalla, manta, no roupa mane nian,” dehan Luis ba STL, iha Manleuana, Sesta (09/04/2021).

Nia dehan, sira fahe sasan ida nee depende lista kada bairru ho aldeia mak hatama ami hatoo ba parokia, nunee parokia rasik foti desizaun.

Aleinde nee, kompania sira neebe hela besik area Lesibutak, sira mos liu husi igreja apoiu netik hahan ka nesesidade baziku oituan hanesan fos, supermi, masin, nunee fahe ba maluk sira neebe mak hetan afetadu.*

Reportajen: Blandina Mauno
Editor: Ekipa STL

LEAVE A REPLY

Please enter your comment!
Please enter your name here