PARPOL Presiza Votus Iha Eleisaun Foin Buka Povu

DILI- Partidu Politiku neebe Eziste iha Timor leste kuandu besik eleisaun rame-rame halo sosializasaun hodi hakbesik Aan ba povu, tamba presiza povu nia votus, eleisaun laiha partidu ida mak besik povu hodi esplika prosesu dezenvolvimentu neebe lao iha rai laran.

Prezidente Republika Taur Matan Ruak konsidera partidu politku sira kuandu besik ona eleisaun no presiza votus mak foin hakbesik Aan ba povu, eleisaun liu haluha ona povu. Taur hatete uluk tempu funu Timor oan hotu-hotu hakarak ukun Aan, laos deit gerileiru sira iha ai laran, politiku sira neebe mak iha rai liur, maibe povu iha vila mos hakarak ukun Aan.

Kuandu hau mai hau hare ita povu abandonadu, partidu sira ba besik povu kuandu presiza povu nia votus no sira  vizita kuandu oin sai iha televizaun, ita nia populasaun totalmente laiha informasaun kona ba dezenvolvimentu nasaun nian,” dehan Taur wainhira halo reflesaun hamutuk ho Jornalista sira Sesta (10/03/2017) iha salaun Xina Palasiu Prezidensial Nicolao Lobato.

Nia hatete durante mandatu orienta atividade iha politika interna tamba Povu hare lider sira hanesan ema neebe taka sira nia dalan no indeferente los, nunee mosu deskontentamentu barak husi povu.

Iha fatin ketak Diretur Ejekutivu Ajar Jose Luis Sampaio katak nia parte lamenta tebes mak tempu agora, mosu tendensia degradasaun ba partidu politiku sira mak halo agregasaun no formula aspirasaun povu nian.

Nunee mos Diretur Luta Hamutuk Mericio Akara hatete populasaun oituan deit maibe direitu vota kuaze 60%, tan nee fasil tebes atu kontrola no mos fahe informasaun ba povu antes elisaun akontese. Timotio Gusmao

 

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...