Pasiente Covid-19 Iha Sala Izolamentu Vera Cruz, Transfere Ba Hospital Lahane

Relasiona ho udan boot neebe akontese iha kapital Dili, hodi hamosu inundasaun iha fatin-fatin, inklui mos klinika Vera Cruz neebe sai hanesan fatin izolamentu pasiente Covid-19. (Foto: STL/Donaciano Magalhães)

DILI, STLNEWS.co – Relasiona ho udan boot neebe akontese iha kapital Dili, hodi hamosu inundasaun iha fatin-fatin, inklui mos klinika Vera Cruz neebe sai hanesan fatin izolamentu pasiente Covid-19.

Udan boot neebe akontese hahu husi Sabadu (03/04/2021) too Domingu (04/04/2021), fo impaktu mos ba pasiente Covid-19 sira neebe dadaun nee halao hela tratamentu iha sala izolamentu Vera Cruz, tanba bee tama too sala laran.

Foto: STL/Donaciano Magalhães

Haree ba situasaun nee, parte saude deside hodi transfere pasiente Covid-19 neebe baixa iha klinika Vera Cruz ba iha hospital Lahane, para kontinua halo tratamentu.

Entertantu observasaun STL iha fatin izolamentu hare katak, bee nalihun iha areadores klinika Vera Cruz, ho nia ass kuaze 50 cm, halo bee tama too sala izolamentu laran. *

Reportajen: Donaciano Magalhães
Editor: Josefa Parada

LEAVE A REPLY

Please enter your comment!
Please enter your name here