Pasiente Ida Monu No Hakotu Kedas Iis Iha Fatin

DILI, STLNEWS.co – Ohin loron 25 fulan Maiu tinan 2021 iha kazu obitu nain ida (1) ho idade 35 monu derepente iha uma hodi hakotu iis.

Kestaun nee haktuir husi Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araújo ba publiku liu husi nota konferensia imprensa, Tersa (25/05/2021).

Rui afirma, historia moris husi pasiente nee, mane ida ho idade 35, nia Timor oan, hela iha Aldeia Mota Kiik, Suku Hera, Postu Administrativu Cristo Rei.

Tuir istoria husi familia katak, nia isin manas ho mear durante semana 2 ona iha uma, laiha istoria moras seluk.

“Ohin dader iha kontaktu ba numeru 119 informa katak ema monu derepente iha uma. Depois ekipa konjunta saude too iha nia hela fatin, maibe matebian iis kotu tiha ona, ho autorizasun familia nian, ekipa konjunta halo swab post mortem no deteta pozitivu SARS-CoV-2 ho Cycle Threshold (CT) N2gene 36,4, Egene 34,8,” dehan Rui.

Nia hatutan, familia la aseita rezultadu teste PCR no seidauk aseita atu halo funeral tuir protokolu neebe iha.*

Reportajen: Natalina Lopes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: