Pasta PR Desizaun Husi Povu

DILI, STLNEWS.co – Atu sai Prezidente Republika (PR) iha tinan 2022 to’o 2027 mai husi feto ka mane, nee desizaun husi povu ou votante sira.

Kestaun nee hato’o husi Diretor HAK Sisto Dos Santos ba STL liu husi telefone, Tersa nee (07/09/2021).

Nia hatete, tuir observasaun husi HAK atu feto ka mane kandidatu an ba iha Prezidente Republika nee lei rasik fo autorizasaun, maibe desizaun nee mai husi povu liu husi eleisaun.

“Hak nia observasaun atu se mak sai Prezidente Republika nee feto ho mane bele hotu,  maibe nee depende povu ou votante sira mak hili,”  dehan Diretor Hak nee.

Nia dehan, atu ukun no sai lideransa liu – liu ba iha Prezidente Republika nee desizaun mai husi povu no votante sira nia votus.

Nia hatutan, se atu ukun iha mudansa ka lae nee depende ba ema idak – idak nia kapasidade no vontade neebe mak iha.

“Halo mudansa kalae nee laos depende feto ka mane, maibe apoiu mos husi entidade hotu – hotu, dala ida tan ita nia sistema politika ba Prezidente Republika nee hanesan simbolu deit, ita labele haree PR atu halo buat hotu no buat tomak hotu ba mudansa sira,” dehan nia.

Sisto afirma liutan, PR tuir konstituisaun hodi tau matan ba parte esterna, agora atu ezekuta implementa governasaun ida nee fila ba Primeiru Ministru.*

Reportajen: Emerenciana Pinto

Editor : Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: