Patrocino: Propaganda Falsu La Eduka Povu

DILI, STLNEWS.co – Reprezentante povu iha uma fukun Parlamentu Nasional (PN) liu husi Deputadu Bankada CNRT, Patrocino Fernandes hatete, propaganda falsu sei la eduka povu.

Tuir Visi Prezidente Bankada CNRT, Patrocino Fernandes hatete, Bankada CNRT hakarak halo tiha propaganda falsu sira neebe bankada governu nian levanta iha PN katak, governu anterior foti osan millaun US$ 650, maibe la iha rezultadu too ohin loron.

“Ida nee propaganda falsu neebe la eduka ita nia povu, tanba millaun US$ 650 neebe VIII Governu liu ba, (laos governu aitongka ida nee), foti hodi sosa Asaun Conoco Phillips nian maa halo Timor Leste sai nain ba asaun maioria kampu Greater Sunrise nian ho valor 56.56%. Objetivu sai nain maioria ba Kampu Greater Sunrise nee mak, atu bele foti desizaun komersial no tekniku perante  asionista sira seluk atu bele lori kadoras Greater Sunrise mai Timor Leste,” dehan nia liu husi deklarasaun de votu iha PN, Kuarta nee (11/05/2022).

Nia tenik, se Bankada FRETILIN mak kestiona asaun ho valor millaun US$ 650 nee, CNRT bele komprende tanba fronteira maritima deit mos sira vota kontra, maibe Bankada PLP neebe hamutuk ho Bankada CNRT hodi vota afavor ba desizaun ida nee mak kestiona fali, entaun signifika katak PLP la komprende prosesu no esforsu sira konaba oinsa atu dada kadoras Greater Sunrise mai iha Timor Leste.

Aleinde nee, Deputada Bankada FRETILIN, Maria Angelica Rangel hatete, Bankada CNRT mos vota kontra osan ba investimentu no mos osan ba polisia ho F-FDTL, no mos vota kontra osan ba oan sira atu ba eskola i ho osan ba agrikultura.

“Depois ita mai koalia katak, Bankada FRETILIN vota kontra fronteira maritima, Bankada FRETILIN la vota kontra fronteira maritima, maibe Bankada FRETILIN vota kontra suber-aneksu neebe negosiu iha lei nee nia laran, tanba nee mak Bankada FRETILIN vota kontra ida nee,” dehan nia.

(dom/gui)

LEAVE A REPLY

Please enter your comment!
Please enter your name here

NEWS UPDATE

Numeru Konflitu Tuun Makaas Dezde Governu Desidi Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak hateten, dezde governu desidi reativa atividade Grupu Arte Marsiais no Arte Ritual, numeru konflitu iha...

Taur Apresia Esforsu SEJD-KRAM Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak agradese esforsu Sekretariu Estadu Juventude no Desportu (SEJD) no Prezidente Komisaun Reguladora Arte Marsias (KRAM ), neebe...

Sasin La Iha Konhesimentu Kazu Konstrusaun Armajen Foos

DILI, STLNEWS.co - Kazu konstrusaun armajen foos, Tribunal Distrital Dili kontinua rona sasin. Tanba nee, iha julgamentu kontinuasaun nee, tribunal rona sasin ho inisial MC neebe...