PD Ba Ho Kandidatura Rasik

DILI, STLNEWS.co – Tuir Prezidente Partidu Demokratiku (PD) Mariano Assanami Sabino, PD sei avansa ho ninia kandidatu rasik, hodi ba kompete iha eleisaun prezidensial ba tinan 2022.

Nia dehan, PD sei halo kongresu nasional, hodi nunee deside ninia kandidatura ida ba iha eleisaun prezidensial nian.

“Ami sei ba ho ami nia kandidatura rasik, hodi kompete ba iha eleisaun ida nee, tanba haree ba situasaun neebe mak ohin loron hasoru, ho arogante ita nia maun sira nian, i laos mos atu fo sala ba maun sira, saida mak maun sira halo ona, maibe PD hakarak mantein no aserta fila fali dezenvolvimentu mak nuudar alvu ba ukun nian,” dehan Deputadu Mariano Asanami iha PN, Kuarta nee (27/10/2021).

Nia afirma, PD iha programa no hanoin iha komprimisu eleitoral neebe ke preparadu ona, i sei tuur hamutuk hodi bele deside kongresu normal ka kongresu estraordinariu ida.

Aleinde nee, Deputadu Bankada CNRT Arao Noe hatete, Partidu CNRT to’o agora seidauk iha planu ba kongresu nasional nian.

“Maibe hau atu informa deit katak, Partidu CNRT konklui ona konferensia iha nivel postu munisipiu 11 inklui mos  RAEOA, maibe sei falta mak Munisipiu Viqueque nian. I bainhira munisipiu sira hotu ona mak foin prepara ba iha konferensia munisipal hotu, mak foin konferensia nasional para hodi prepara materia ba kongresu ninian, inklui ida mak kandidatu ba PR,” dehan nia.

Nia afirma, entaun kandidatura ba PR nee, atu kandidatu ema husi partidu ka fo apoiu ba kandidatu independente, ida nee sei deside iha konferensia mak foin bele hatene.*

(Dom)

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...