PD Husu Klarifikasaun Kadoras Mai TL, Virginia: Governu Laiha Vontade

Xefe Bankada PD, Antonio da Conceição. (Foto: Facebook)

DILI, STLNEWS.co – Deputadu husi Bankada Partidu Demokratiku (PD) iha uma fukun Parlamentu Nasional (PN) husu klarifikasaun ba governu kona-ba prosesu atu dada kadoras mai iha Timor Leste (TL).

Kestaun nee hatoo husi Xefi bankada PD Antonio da Conceição katak, prosesu negosiasaun politika halao kona-ba dezenvolvementu greater sunrise (SR) hodi koalia kona-ba atu dada kadoras mai iha TL, iha momentu nee prezidente Timor Gap asumi karga importante.

“Koalia kona-ba Fronteira Maritima (FM) no koalia mos kona-ba dezenvolvimentu Greater sunrise (GS), sevisu lubuk ida mak aprezenta iha CCD no PN. Governu inisia hodi fo esperansa katak benefisia tebes TL nia politika hodi hanoin lori kadoras mai TL.

Hau hakarak hatene ho kompomisiu politika AMP sei relevante ou lae? tanba pratika sei la koalia buat sira nee nia kontinuasaun iha 2021. Tanba nee hau husu klarifikasaun husi governu, hanesan kontinuidade Ministériu ida neeba, laos buat hotu foun maibe fo kontinuidade atu halo, bele partilla informasaun ruma,” hatete Antonio iha PN Tersa (17/11/2020).

Nia dehan, iha panorama orsamental, estudu sira neebe mak halo nee, sei iha inisiu aprovasaun osan husi PN, liga ba atu hola asaun nee iha efeitu ou lae? bainhira estudu inisiu desizaun neebe hola, desizaun neebe mak kontra produtivu atuasaun politika governativas.

Iha fatin hanesan Deputada husi bankada FRETILIN, Nelia Menezes hatete, poliltika kona-ba atu dadas kadoras mai iha Timor Leste, nee los duni ka sei iha indiskutives. Ema hotu nia hakarak mak kadoras mai TL, prinsipiu luta neebe hakarak la iha duvida tanba nee nia hakarak husu iha ona estudu ou lae? Kadoras mai TL presiza kustu hira.

Hatan ba kestaun nee, Prezidente Timor GAP António José Loyola Sousa hatete, molok atu koalia kona ba pipeline maibe tenke kompriende uluk rejimi gretaer sunirise konsekuensia husi Fronteira Martima (FM).

“Hau sente, molok atu koalia kona-ba pipeline, ita tenke haree uluk regime greater sunrise (GS) konsekuensia husi FM dehan katak greater sunrise, laos TL nian mesak. Ita tenke deside hamutuk, mezmu ita haree mapamentu barak mai iha TL, nain ba rekursu greater sunrise nee entre Australia ho TL”, katak nia.

Tanba tuir nia, Konsekuensia FM kondisaun equivalente, rezime anterior iha kontratu 4, rua iha JDP retensialis rua iha Australia nian rejime foun fali, fornese kondisasaun hanesan kontratu hat nee rezultadu tenke hanesan.

Tuir nia, too ohin loron seidauk iha planu atu dezenvolve GS, tanba enkuadramentu legal nian kontratu mos seidauk, oinsa maka bele iha planu negosiu ba ida nee. Iha momentu nia rasik nudar Membru Konsellu Administrasaun, atu dada kadoras mai iha TL.

Nia eplika, atu dada kadoras mai TL tenke hatene uluk upstream, laos buat mamuk tenke hatene Liquidu nia gas nee komposizaun temperatura no presaun oinsa hodi ida nee maka foin hatama simulasaun pipeline, too ikus dezain LNG hatene nia kapasidade oinsa atu prosesa gas. Ida mai husi upstream nia dadus tenke klaru, agora seidauk iha serteza liu-liu kompozisaun liquidu nian, hakarak ou lakohi gosta ka la gosta prosesu mak lao hanesan nee.

Virginia: Governu Laiha Vontade
Iha okaziaun nee, Membru Parlamentu nasional husi Bankada CNRT, Deputada Virjina Ana Bela katak Governu Laiha Intensaun no Vontade Dada Kadoras Mai Timor Leste.

“Estudu obtimizasaun ba Pipeline kadoras no plant LNG, estudu 2 nee, tuir hau laos ema tekniku, maibe ida nee importante teb-tebes no krusial loos hodi hatene. Lolos kustu real ho situasaun presu mina neebe tun tebes fo impaktu ba kustu material nian. ami haree katak, Governu ida nee, laiha intensaun duni atu dada kadoras husi Greater Sunrise mai TL, no lakohi duni atu harii planta LNG iha ita nia rai,” dehan Deputada Virginia iha sala plenaria PN, Tersa (17/11/2020).

Nia dehan, kaer fali ba orsamentu pasadu ho proposta orsamentu iha 2020, sumbadu iha millaun 20, maibe agora tau deit rihun 15 nee osan kiik tebes.

“Hau la hatene, ita boot sira nia intesaun saida, hakarak atu bosok povu ka hakarak atu halo saida. Agora avaliasaun impaktu ambiental no dezenvolvimentu kapasidade no projetu LNG, iha montante osan ida neebe tau hatudu katak, Governu laiha duni vontade atu lori kadoras mai TL,” tenik nia.

Nia haktuir tan katak, estudu impaktu ambiental nee importante hodi asegura, lori kadoras ho planta LNG mai TL, tanba nee hanesan rekerementu ida neebe importante, hodi atrai investimentu sira rai liur no hasae kapasidade ema nian, nee mos importante.

“Hau haree, hanesan governu laiha vontade duni mesmu iha tiha ona deklarasaun husi Primeiru Ministru rasik katak, kadoras tenke mai TL, maibe narealidade, governu sira la tau importansia iha neeba.

Alende nee Ministro Petroleu no Mineral, Victor da Conceição dehan, ho estudu plant LNG neebe dehan katak, lakohi dada mai Timor Leste.

“Projetu ba LNG atu dada kadoras mai TL, hau hanoin katak, povu ou governu se deit katak ida nee halo ona delimitasaun fronteira, iha ona ita nia sobernia, hau hanoin riku soi neebe iha ita nia soberania laran, ita tenke iha domin liu ba ida nee. hau hanoin atu dada mai nee, ita nia vontade nee ita hotu hakarak, nee politikamente maibe iha neeba mos iha kestoens komersiais ekonomikas,” dehan nia.

Nia dehan, tanba kestaun ekonomikas komersiais TL labele obriga ho forsa maibe ho politika tanba ninia kustu aas teb-tebes, maka ho politika signifika tenke tau osan barak no sosa ho osan barak.

“Ita laiha kondisaun ita nia osan tuun ba be-beik, tanba nee maka agora dadaun ANPM ho Timor Gap dadaun halo aprosimasaun ho investimentus estrajeirus, atu empreza internasiol bele halo investimentu, nunee parsial kustus iha kestaun komersial. hau fo hanoin no koalia bebeik ho Timor Gap nomos ANPM, atu bele buka parseirus potensiais, nunee ita bele partilla kustu ho objetivu katak, ita tenke hetan venefisiu,” dehan nia.

Ema sira neebe hakarak halo investimentu, tenke iha venefisiu ba sira se laiha venefisiu ema sei retira hotu husi projetu sira nee, tanba sira lakohi sofre riskus.*

Reportajen: Guilhermina Franco/Domingas Soares
Editor: Ekipa STL

LEAVE A REPLY

Please enter your comment!
Please enter your name here