PD: Lamenta Komunidade Tuda Ambulansia, Presiza Halo Investigasaun

Deputada Bankada PD, Elvina Souza. (Foto: Espesial)

DILI, STLNEWS.co – Bankada Partidu Demokratiku (PD), lamenta ho akontesimentu neebe akontese husi komunidade sira tuda ambulansia. Tanba nee husu atu halo investigasaun klean husi motivasasun.

“Hau hanoin situasaun neebe akontese lamentavel tebes, tuir loloos la divia akontese, komunidade sira tenke koopera hodi servisu hamutuk atu bele kombate virus nee,” dehan Deputada Bankada PD, Elvina Souza ba jornalista sira iha PN, Kinta (11/03/2021).

Nia dehan, tanba presiza esforsu koletivu husi frontliner sira ho komunidade, nomos ema hotu-hotu, atu bele hapara propagasaun husi virus ida nee.

“Bainhira hau haree notisia katak, iha komunidade balu tuda frontliner ho pesoal saude sira, hau hanoin nee la divia akontese i lamentavel tebes, presiza halo investigasaun, tanba saida sira tuda keta iha ema ruma maka haruka karik,” hakotu nia.

Iha fatin hanesan, Xefe Bankada Fretilin, Francisco Miranda Branco, hatete hahalok neebe akontese hodi tuda ambulansia nee.

“Ida nee laos siblizasaun neebe mai kedan husi ita nia bei-ala sira, maibe siblizasaun neebe ita aprende husi ita nia luta ba libertasaun, siblizasaun ka hanorin neebe mai depois ita restaura independesia,” hakotu nia.*

Reportajen: Domingas Soares/ Guilhermina Franco
Editor: Ekipa STL

LEAVE A REPLY

Please enter your comment!
Please enter your name here