PD Seidauk Hola Desizaun Ba Kandidatura PR

DILI, STLNEWS.co – Relasiona ho Komisaun Nasional Eleisaun (CNE – sigla Portugues) no Sekretariadu Tekniku Administrasaun Eleitoral (STAE), neebe maka fo ona tempu ba partidu politiku sira atu aprezenta kandidatura ba Prezidente Republika 2022-2027, Partidu Demokratiku seidauk hola desizaun konaba kandidaturas PR.

Tuir Deputadu Bankada PD, Antonio da Conceição hatete, prosesu neebe sira hein maka Prezidente Republika dekreta lai data ba eleisaun prezidensial ninian, ida nee to agora seidauk rona, hanoin katak ida nee PR sei hein tempu ida hodi dekreta ida nee.

“Tanba nee ho PR seidauk dekreta maka Partidu Demokratiku rasik ate agora nee ami seidauk iha konferensia ruma atu hola desizaun konaba kandidatura nee,” dehan Deputadu Antonio da Conceição ba jornalista hafoin remata plenaria iha Parlamentu Nasional, Segunda (05/07/2021).

Deputadu PD nee dehan, maski iha kandidatu neebe foti husi item neebe maka iha, maibe desizaun ida nee seidauk tanba Partidu Demokratiku iha nia mekanizmu neebe iha konvensaun, tanba nee iha konvensaun nee halo wainhira iha kandidatu liu nain 2, kuandu iha nain 2 ona maka presiza iha desizaun ida iha partidu nia laran hodi bele haree katak partidu atu rekomenda ida neebe, tanba nee tenke halo konvensaun.

“Ida nee maka too agora Partidu Demokratiku seidauk hanoin konaba desizaun ida nee, maibe potensialmente nee kandidatu iha, para atu bele konkore iha Eleisoens Prezidensiais nee,” Tenik nia.

Nia hatutan, hanesan partidu ida iha responsabilidade ba vida nasaun ninian, tanba ida nee maka tenke iha nafatin kandidatu ruma neebe maka atu hamrik ba estadu, PD nia prinsipiu maka ida nee.

“Too agora ami seidauk iha desizaun ida, ita bele hein to Novembru ou Dezembru sira nee maka ami foin iha karik,” dehan nia.

Deputadu Antonio da Conceição haktuir, los duni prosesu ida aprovasaun lei nee mos halo tiha ona iha PN konaba Eleisoens Prezidensiais nain neebe maka aprovadu ona, i agora dadaun nee maka karik edukasaun sivika maka hahu lao hela iha baze hodi prepara ba eleisoens neebe maka sei mai.

Reportajen: Santina Castro
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: