Pe. Evaristo Triste Lakon Vigariu Diak

DILI, STLNEWS.co – Padre Evaristo Fernandes triste tanba lakon ema diak ida hanesan Padre Francisco Pinheiro, iha Vigariu Jeral Diocese Baucau.

Padre Evaristo dehan, konese Vigariu Jeral Diocese Baucau, Pe.Francisco Pinheiro, tanba eskola hamutuk kuandu formasaun iha Malang, Indonezia.

“Ohin dadersan notisia mate halo hakfodak tebes, tanba hau la rona nia moras, antes la hanoin to’o ba katak atu husik hela mundu nee iha loron ohin, la iha sinais ruma i mos la la rona nia historia kona ba moras,” dehan Pe. Evaristo ba jornalista iha Katedral Dili, Tersa (24/08/2021).

Pe. Evaristo haktuir, mais supreza boot tebes-tebes halo hakfodak no haree ba moris ida nee hanesan misteriu neebe hasoru mate mai ema lahatene bainhira.

“Hau triste sente lakon ema diak ida neebe importante, maske hau parte Diocese Dili, maibe hau hanoin ba Diocese Baucau nian sira lakon ema diak nuudar Vigariu Jeral Diocese Baucau neebe asumi kargu barak, nia mos pessoal importante ISFIT Seminariu Maior, neebe nia hanorin estudante sira,” hatete Padre Evaristo.

Pe. Francisco nia mate lakon dosente importante ida iha Seminario Maior Fatumeta, tanba nee misteriu mate nee laiha ema ida maka iha kbiit, kala rona no hakfodak, maibe aseita deit ho Maromak nia planu.

“Ba hau sentementu lakon tebes no triste, tanba lakon ema ida neebe importante iha kreda ninian, liu-liu Diocese Baucau,” tenik Pe. Evaristo.

Pe. Evaristo dehan, konese Pe. Francisco wainhira iha Malang, Indonezia hamutuk, depois sai padre idak-idak iha nia Diocese, maibe haree ema neebe kalma no diak ba ema hotu, no nia lakoi iha problema, sempre kalma atua problema saida maka akontese, nia karakter ema neebe hakmatek no hasoru problema oinsa mos nia atua ho seriedade. Padre Francisco Pinheiro moris iha loron 16 Outubru 1963 iha Same Hola Rua, Munisipiu Manufahi.*

Reportajen: Joaninha Belo
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: