Pe.Mariano Husu STL Sai Matadalan Ba Sosiedade Livre

Vigariu Paroku Igreja Motael, Pe. Mariano Diaz husu ba media Suara Timor Lorosae (STL), atu sai matadalan ba sosiedade ida neebe livre ho responsabilidade tuir moto STL neebe iha. (Foto: STL)

DILI, STLNEWS.co – Vigariu Paroku Igreja Motael, Pe. Mariano Diaz husu ba media Suara Timor Lorosae (STL), atu sai matadalan ba sosiedade ida neebe livre ho responsabilidade tuir moto STL neebe iha.

Padre Mariano dehan, hamutuk iha fatin nee hodi hasae gratidaun no agradesementu husi familia boot STL ba nai maromak ba grasa neebe hetan ona hodi hafoun misaun no vizaun STL nian neebe harii, iha loron 1 fulan Fevereiru tinan 1993 liu ba ho nia moto neebe dehan katak sai “Matadalan Ba Sosiedade Livre.”

“Hau sujere ba imi STL, sai matadalan ba sosiedade ida neebe livre no mos ho responsabilidade,” dehan Padre Mariano liu husi omilia, bainhira prezidi misa agradesimentu midia STL ba dala 28, iha Igreja Motael, Dili, Sabadu (06/02/2021).

Nia dehan, simu knaar nudar jornalista katak simu knaar nudar mensageiru, jornalista nee mundu jornalismu nian mundu fiar nian, atu hatutan no fahe informasaun neebe los no diak ba sosiedade sira, atu sosiedade moris iha lia los no justisa nia laran, hodi tulun malu atu hetan moris neebe nakonu ho ksolok.

Foto: STL

Sai jornalista katak sai mensageiru ida neebe maka matan moris neon nain, no labele fo informasaun neebe maka laiha razaun falsu no bobar ka informasaun hoax sira, hodi lori vantajen neebe ladiak ba sosiedade sira.

Tanba nee, ba media STL ho pasu neebe foun bele sai nudar matadalan ba sosiedade neebe livre ho responsabilidade, no sai sosiedade ida neebe kredibilidade no sensibilidade, no para ho buat neebe realidade, tanba nee jornalista tenki sai matan moris neon nain hodi hatutan buat neebe los ba sosiedade nia moris.

“Ohin ita selebra aniversariu STL nian ba dala 28, ita bele husu ba malu liuliu ba sira neebe oras nee halao hela knaar jornalista media STL nian, ita husu atu ho tinan 28 nee saida maka STL transmite ona ba sosiedade sira hahu husi tempu okupasaun indonezia to ohin loron,” Padre Mariano salienta.*

Reportajen: Santina Castro/Efizenia da Costa
Editora: Carme Ximenes

LEAVE A REPLY

Please enter your comment!
Please enter your name here