Pe. Martinho: Hau Mak Husu, Bispu Hapara Husi Amu Lulik

DILI, STLNEWS.co – Padre Martinho Gusmao hatete, antes Bispu Dioseze Baucau, Dom. Basílio do Nascimento hasai karta suspende, nia rasik husu renunsiu voluntariu atu hapara nuudar amu lulik.

Padre Martinho hato’o kestaun nee ba STL liu husi programa dada lia iha nia rezidensia Metiaut, Dili, Kinta lokraik (02/09/2021).

“Hau mak husu ba Bispu atu iha regulamentu ba regra igreza katolika nia katak, bainhira amu lulik tinan 5 liu ona husu atu ba uma hanoin nia moris, liu tiha tinan lima mai hasoru fali Bispu atu oinsa bele regula nia moris, neebe hau mak husu ba bispu konaba renunsia voluntaria, signifika hau nain rasik nuudar amu lulik, hau mak husu ba Santa Kreda atu hapara hau nia knaar nuudar amu lulik,” dehan Pe. Martinho.

Padre Martinho hatutan, iha loron 25 fulan Janeiru tinan 2020, padre hakerek karta premeiru ba bispu no husi karta neebe hatama, bispu husu padre atu hanoin fulan tolu nia laran lai. “Liu tiha fulan tolu ami nain rua sibuk liu ho Covid-19 be lalao ba malu, iha tinan 2021 hau mos hasoru tan bispu hodi hatete katak, hau nia desizaun final neebe iha loron 4 fulan Fevereiru tinan 2021, hau hato’o hau nia renunsiu voluntariu ofisialmente iha final, tanba nee bispu husu ba hau atu hakerek fali karta ida ba Amu Papa iha Roma, neebe hau hakerek karta ba Amu Papa prosesu nee lao hela,” dehan padre nee.

Nia hatutan, konaba bispu halo dekretu suspensaun ba Ministeriu Saserdotal nee hanesan prosesu normal ida iha igreza katak, bainhira hakerek ona karta ba amu papa husi karta nee prosesu lao labele serbi iha altar.

Konaba suspensaun nee hein to’o papa iha Roma haruka reskritu da Se Apostolika, no reskritu nee dehan katak, amu papa mak hakerek mai no reskritu ida nee serbe atu konfirma Padre nia renunsia, maibe entre tempu nee Amu Bispu fo suspensaun.

Reskritu mai nee katak, padre hanesan ona sarani babain no dekretu suspensaun nee mosu, tanba lia anin barak kona ba kandidatu ba Prezidente Republika, labele prejudika prosesu ida nee hasai ketak tan fali nemak mai lalais tiha nee.

Nunee mos Bispu Dioseze Baucau, Dom Basílio do Nascimento, liu husi karta suspensaun Ministeriu Saserdotal, suspende Pe. Martinho Germano da Silva Gusmão husi knaar Saserdosiu.

“Hatan ba Pe. Martinho Germano da Silva Gusmão nia vontade no desizaun, bainhira prosesu kanoniku sei lao hela, hau nuudar Bispu Dioseze Baucau, dekreta suspensaun Ministériu Saserdotal, katak hahu loron 20 fulan agostu tinan 2021 ba oin, hapara Padre nee nia atividade sira hotu neebe sakramentu orden haraik ba nia atu halao iha uma kreda,” haktuir husi karta husi Dioseze Baucau.

Karta nee bazeia ba karta neebe Pe. Martinho Gusmão haruka ba Bispu Diosezanu iha loron 25 fulan Janeiru tinan 2021, hodi husu renunsia ba Ministériu Saserdotal katak hapara nia knaar nu’udar nai-lulik.

Bispu Dioseze Baucau informa ba membru hotu, kreda katólika iha Timor Leste katak, durante tempu naruk neebe Pe. Martinho Gusmão kestiona, refleta, rona, reza no deside konaba nia vida no nia knaar nuudar nai-lulik kreda katólika, ho konsiénsia limpa no serena.

Nunee mos, iha loron 04 fulan Fevereiru tinan 2021, Pe. Martinho Gusmão haruka karta ba Santu Padre hodi husu demisaun estadu kredikál, atu la moris ona tuir estatutu nai-lulik.*

Reportajen: Emerenciana Pinto

Editora: Carme Ximenes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: