Pesoal Lina Frente Too Agora Seidauk Simu Subsidiu

DILI, STLNEWS.co – Reprezentate povu iha Parlamentu Nasional (PN) kontinua levanta pesoal sira neebe servisu iha lina frente ba Covid-19, seidauk simu subsidiu.

Kestaun nee hatoo husi Deputada husi Bankada CNRT, Lucia Taequi, katak, husu ba Governu atu haree no atende ba preokupasaun sira nee, liu-liu mos ba pesoal saúde.

“Too agora ami kontinua hetan kontaktu ka simu telefone husi pesoal sira neebe servisu iha lina frente ba Covid-19, too agora seidauk simu sira nia subsidiu, mezmu sira simu ona salariu, tanba nee governu haree para atende preokupasaun sira nee”, katak Deputada CNRT nee Kinta (24/06/2021) iha PN.

Iha parte seluk, Reprezentante Governu, atual Ministru Asuntu Parlamentar no Komunikasaun Sosial (MAPKOMS), Francisco Jéronimo hatete, relasiona ho preokupasaun sira nee hotu, nia parte sei hatoo ba ministeriu kompetente atu bele haree ba kestaun sira nee, liu-liu mos ba pesoal saude sira sei informa ba Ministeriu Saude atu haree.

Tuir nia, laos nee deit pesoal saude sira, maibe inklui mos subsidiu atu selu ba estudante universidade sira nee governu husi Ministeriu Ensinu Superior halo ona nota entendimentu atu hodi hein prosesu pagamentu ba estudante sira.*

Reportajen: Guilhermina Franco
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: