Pesoal Saude Kondena Aktu Violensia Iha Suai

DILI, STLNEWS.co – Pesoal Saude kondena makaas aktu violensia hasoru pesoal saude neebe halao knaar hanesan lina frente, iha Munisipiu Suai (Covalima). Tanba nee husu ba governu no instituisaun relevante atu bele tau atensasun no proteje pesoal lina frente sira.

Hatete Mediku Jeral iha Departamentu Emergensia, Hospital Nasional Guido Valadares (HNGV), dr. Amantino liu husi konferensia imprensa Tersa, (20/04/2021).

“Ami pesoal saude, fo ami nia solidariedade ba aktu agresaun fiziku neebe mak akontese horisehik iha ooras 18:00 otl iha Suai (Covalima), hasoru ami nia kolega mediku sira” hatete dr. Amantino.

Nia hatutan, sira nuudar pessoal daude kondena makaas ba aktu violensia husi pessoal neebe mak halo asaun hasoru pessoal saude neebe mak halao knar hanesan lina frente.

Relasiona ho aktu nee pesdoal saude husi Hospital Nasional Guido Valadares husu ba lideres nasaun, lideres politikus sira atu bele lolo liman hamutuk hodi hasoru kalamidade Covid-19 iha rai doben ida nee.

“Husu mos ba instituisaun relevante hanesan PNTL, F-FDTL, Autoridade Lokais, Organizasaun Naun Guvermentais, atu bele foti medida seriu no rigorozu ba aktu violensia nee,” dehan nia.

Nia mos fo agradese ba tolok, trata, tantu agresaun fiziku neebe mak sira simu husi pesoal balu, bainhira halao hela sira nia knaar. Atitude no linguajen neebe sira sempre rona no hetan husi abitante balu hasoru pesoal saude sira nee sei la hamate espritu hodi servi.*

Reportajen: Claudios de Jesus
Editor: Ekipa STL

LEAVE A REPLY

Please enter your comment!
Please enter your name here