Pinor Oan, Koalia Deit Seidauk Halo Asaun

DILI, STLNEWS co – Relasiona ho kazu inan feton ida neebe mak tenta atu pinor nia oan ba kos nain nee, hanesan koalia deit seidauk halo ba asaun, tanba nee mak haree ba kazu hanesan nee presiza tulun malu iha tempu neebe mak difisil.

Kestaun nee hatoo husi Diretora Movimentu Feto Foin Sae (MOFFE), Yasinta Lusina ba STL, liu husi telefone, Sesta (21/05/2021).

Liafuan neebe mak inan feton nee koalia, nee tanba iha tempu neebe mak difisil laiha razaun ona atu hasoru kos nain, maibe nee foin koalia deit seidauk halo ba asaun katak pinor oan ona.

“Iha tempu neebe mak difisil, nia hanoin nee lahetan los ona espresaun ka liafuan neebe mak nia koalia sai atu bele responde ba ema, maibe hau fiar nia seidauk too asaun neebe mak dehan atu fo nia oan ba uma nain atu sai hanesan jaminan, hau fiar asaun ida nee seidauk akontese maibe buat hanesan koalia deit,” hatete Diretora nee.

Nia hatutan, koalia neebe mak inan feton nee hasai, tanba haree ba situasaun difisil ba nia, tanba nee mak husu karik ida neebe mak iha hahan ou sasan ruma bele tau hamutuk hodi fahe mos ba maluk seluk neebe mak presiza.

“Hau hanoin ita hotu ho fuan haree ba situasaun nee, no situasaun ida nee situasaun sosial ida neebe mak ba ita hanesan tragis tebes ba ita nia nasaun, iha mos kazu seluk neebe mak ita deskobre, karik ida konsege sobre sai, hau fiar ita hotu sosiedade hotu simu responsabilidade atu haree asuntu nee,” katak nia.

Diretora MOFFE nee afirma liutan, ho situasaun nee karik ida neebe mak iha barak ou resin, ho situasaun hanesan nee bele tau hamutuk hodi ajuda fila fali ba maluk neebe mak presiza.

Bainhira sira hasoru ona difikuldade mak koalia ho liafuan fo todan ba sira, entau aumenta fo sofrementu todan ba sira, ida nee laos solusaun atu tulun ema iha situasaun ida agora. Maibe presiza mak tulun malu iha tempu neebe mak difisil.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: