PJR Asina MoU Ho UNICEF

Prokurador Jeral da Republika asina nota entendementu Memorandum of Understanding (MoU) ho UNICEF, atu hare konaba labarik nia direitu. (Foto Ilustrasaun: GSE)

DILI, STLNEWS.co – Prokurador Jeral da Republika asina nota entendementu Memorandum of Understanding (MoU) ho UNICEF, atu hare konaba labarik nia direitu. Dehan Prokurador Jeral da Republika, Jose Ximenes ba jornalista sira, iha Colmera, Dili,Tersa (02/03/2021).

“Ministeriu Publiku Prokurador Jeral da Republika hetan ondra hodi selebra kooperasaun ida ho UNICEF, organizasoes unidas nian neebe kaer papel fundamental ba promosaun defeza no promove direitu ba labarik iha Timor Leste,” dehan PJR, Jose.

Nia hatutan, sei hamutuk atu promove promosaun ba kuadru prokurador sira, atu bele tau atensaun, tanba ita iha ona kuriador menor no familia serbisu neebe tau atensaun ba familia. Tanba ita koalia konaba labarik no familia, kuandu violensia akontese, se mak sai vitima direita no indireita mak labarik sira.

Tanba nee finaliza ona kooperasaun formal ida nee, tanba nee livru sei halo produsaun ho mil dezemplar, Ingles duzentos sincoenta, Portugues duzentos sincoenta, Tetum quinentos, tanba nee livru nee deit la too. Tanba nee sei abranje mos formasaun, no halo aprezentasaun ida, neebe envolve sosiedade sivil no instituisaun save sira, atu bele halo defeza ba direitu labarik sira nian.

Prokurador dehan, labarik hanesan futuru jerasaun nian, tanba nee halo esforsu makas atu hare sira nia direitu. Iha fatin hanesan, Adjuntu Reprezentante UNICEF iha Timor Leste, Scott Whoolery dehan, kooperasaun nee atu hare oinsa, labarik sira bele goja sira nia direitu.

“Koperasaun ida nee atu hare liu tan oinsa, UNICEF no Prokurador Jeral atu hametin liu tan labarik sira iha Timor atu goja ka atinji sira nia direitu tomak neebe sira iha,” dehan nia.*

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here