PJR Enkontru Ho PR Hodi Informa Balansu Jeral Durante 2020 Iha MP

ProkuradorJeral Republika (PJR) Jose da Costa Ximenes halo enkontru ho Prezidente Republika Francisco Guterres Lú Olo hodi informa kona-ba balansu jeral durante tinan 2020 iha Ministeriu Publiku. (Foto: Media PR)

DILI, STLNEWS.co – ProkuradorJeral Republika (PJR) Jose da Costa Ximenes halo enkontru ho Prezidente Republika Francisco Guterres Lú Olo hodi informa kona-ba balansu jeral durante tinan 2020 iha Ministeriu Publiku.

Bainhira remata hasoru malu, PJR ba jornalista iha Palasiu Prezidente Bairru Pite, Tersa (05/01/2020) hatete enkontru ho Prezidente Republika hodi informa konaba balansu jeral durante tinan 2021.

“Enkontru ho Prezidente Republika informa ba Prezidente Republika kona-ba balansu jeral durante tinan 2020 ninian, primeiru iha tinan ida nia laran hahu 01 Janeiru too iha 31 Dezembru 2020 Ministeriu Publika rejista prosesu total 4.958 iha nivel nasional, total prosesu neebe ita finaliza hamutuk 5.547, iha redusaun purvolta 500 ital prosesu,” katak PJR.

PJR hatete situasaun iha Dezembru ninia laran iha Dili depois Setembru Dili rejista prosesu neebe uitoan liu, Dili rejista 176, Outobru, Novembru nee Dili rejista mais 300.

“Prosesu nee situasaun iha Dili ninian no mos iha distritu sira selu-seluk dala uluk MP rejista deit 400 ital prosesu iha Setembru maka ita rejista prosesu uitoan maibe iha Outobru, Novembru MP rejista mais 500 prosesu.” katak nia.

Jose da Costa Ximenes hatutan balansu jeral pozitivu, oinsa ho kazu sira iha Gabinete Kombate Korupsaun Kriminalidade Organizada iha tinan ida nia laran MP rejista 187 prosesu no durante tinan ida nia laran, finaliza 196 prosesu nee informasaun kona-ba prosesu sira neebe lao iha Ministeru Publiku.

Agora atual daudauk Ministeriu Publiku iha kazu pendente hira, Ministeriu Publiku atual daudauk iha kazu pendente 2.823 menus husi 3 mezes se Novembru mais 3 mill prosesu agora iha 2.823 prosesu. Nunee mos durante Dezembru too mai iha 3 Oecusse laiha prosesu grave neebe akontese, purtantu Oecusse rejista deit 20 prosesu laiha prosesu maioria ofensas simples ho violensia domestika, purenkuantu, Suai rejista omesidu kazu 5 maka rejista.

Nia hatutan husi kazu 5, MP konsege arguidu nain haat maka prizaun preventiva, iha arguidu nain 3 maka aprezentasaun periodika. Entretantu iha Baucau mos akontese iha 31 iha omesidu tentadu ho ofensas grave iha Villa Nova, iha arguidu 1 prizaun preventiva nain rua seluk aprejentasaun periodika.

Nunee mos situasaun iha Dili loron 1 fulan Janeiru madrugada, polísia ida tiru kanek joven ida iha aldeia 12 Outobru, Suku Komoro,kazu ida nee arguidu aprezenta tiha ona ba primeiru interogatoriu, agora daudauk halo aprezentasaun periodika vitima naran Martinho Tasi Rede.

Iha fulan Dezembru, Gabinete Kombate Korupsaun Kriminalidade Organizada kontinua kumpre mandadu detensaun buska no aprendesaun ba kazu telekomunikasaun ninian, MP aprejenta arguidu nain haat balun aprezenta periodika, ida maka TIR.

Iha Enkontru nee, Prezidente Republika Francisco Guterres Lú Olo suporta ba Ministeriu Publiku atu iha tinan foun ida nee bele kotinua halo servisu diak liu tan.

Iha biban nee PJR mos hatutan Relasiona ho keixa Sekretariu Jeral Partidu Fretilin Mari Alkatiri nian neebe hasoru ho Komisaun Polítika Nasionál (CPN) husi Partidu CNRT nian maka iha tempu badak Ministeriu Publiku (MP) sei notifika vitima no arguidu ba prosesu refere.

“Keixa Sekertariu Jeral Partidu Fretilin Mari Akatiri nian hasoru CNRT, iha tempu badak nia laran Prokurador sei bolu notifika atu rona vitima depois sei rona sira seluk neebe sai hanesan arguidu iha prosesu ida nee.

Porvavelmente meadu do mes ida nee ita sei rona informasaun kona-ba ida nee,” katak nia.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here