PLP Laiha Konesimentu, Espoza Taur Kandidata Ba ELPR

DILI, STLNEWS.co – Partidu Libertasaun Popular (PLP) laiha konesimentu ba espoza Prezidente PLP, atual Primeiru Ministru Taur Matan Ruak, neebe kandidata an ba Eleisaun Prezidente Repúblika (ELPR), tanba desizaun PLP sei liu husi kongresu nasional.

Kestaun nee hato’o husi Vise Prezidente Consellu Nasional Politika (CPN) PLP, Francisco de Vasconcellos katak, konaba atu deside kandidatu partidu nian, iha kongresu nasional mak deside. Haree ba eleisaun sei iha fulan Marsu tinan 2022, i molok atu ELPR sei dekreta kalendariu, depois dekreta, partidu sira mos hahu kongresu hodi deside iha kandidatu ou lae.

Enkuantu, konaba espoza Prezidente PLP nian neebe atu kandidata ba ELPR, nee PLP laiha konesimentu.

“Durante nee publiku preokupa katak, espoza PM, i hanesan mos Prezidente PLP, atu konkore ba kompetisaun ELPR, nee ami seidauk hatene, neebe nia ba independente, direitu ema idak – idak nian, PLP laiha konesimentu ba ida nee,” katak Fransisco ba jornalista Sábadu nee (18/09/21), bainhira remata partisipasaun konferensia nasional daruak asosiasaun FOKD, iha sede Nasional PLP, Metiaut.

Nia esplika, kandidatura ba PR durante nee iha dalan 2, ida mai husi partidu politika, ida seluk independente. Maibe liga ba partidu, to’o agora seidauk iha hanoin atu avansa ho kandidatu ruma, tanba buat hotu sei liu husi desizaun.

Nia informa, iha tempu badak sei halo konferensia munisipal hodi halo abordajen ba buat sira nee, no sei husu oportunidade ba konferensista sira katak, iha ema ruma atu kandidatu ka lae, neebe hein deit.

Enkuantu, konaba kongresu nasional partidu nian, deside ona husi Prezidente Partidu, atu halao iha fulan Outobru agora nee, maibe iha alterasaun tanba haree ba propagasaun Covid-19 sae makaas.

Nunee mos, Koordenador Asosiasaun FOKD, Paulo C. Mesquita hatete, sira nuudar asosiasaun neebe hamahon an iha PLP, hein deit desizaun partidu nian, atu kandidatu ema se deit, sira prontu apoiu.*

Reportajen: Guilhermina/Donanciano/Alberto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...