PM Atualiza Atividade Governu Ba PR

Primeiru Ministru Taur Matan Ruak atualiza atividade servisu Governu nian ba Prezidente Republika Francisco Guterres Lú Olo, iha Palasiu Prezidente Nicolau Lobato, Dili. (Foto: Media PR)

DILI, STLNEWS.co – Primeiru Ministru Taur Matan Ruak atualiza atividade servisu Governu nian ba Prezidente Republika Francisco Guterres Lú Olo, iha Palasiu Prezidente Nicolau Lobato, Dili.

“Enkontru semanal ho Prezidente Republika hodi imforma Situasaun Covid19 ba Xefe Estadu, hanesan hau dehan atualiza ba Prezidente Republika konaba ami nia atividade sira, sesta bazika no atividade sira neebe mak lao dadaun, seguransa liu liu Estadu Emerjensia Covid-19 nee, Covid-19 nee dadaun nee ita iha ema nain neen deit redus tiha ona, entaun governu halo revijaun oinsa mak fleksibliza medidas sira para ita nia atividade sira lao normal,” dehan Xefe Governu ba jornalista, bainhira remata hasoru malu ho Prezidente Republika, iha Palasiu Prezidente Nicolau Lobato, Bairru Pite, Dili, Kinta (14/01/2021).

Iha biban nee mos Primeiru Ministru dehan, programa vasinasaun, oras nee kaer husi Vise PM atual Ministra Solidaridade Sosial Armanda Berta.

“Dadaun nee ita haree komisaun interministerial ho komisaun teknika ida depois prepara planu ba ida nee nia, no komisaun nee sei lidera husi Vice PM aktual Ministra MSS hodi haree preparativu hotu hodi too implementa Vasina saida mak presiza halo.” katak PM.

Nunee mos kona ba preokupasaun husi kompana neebe halo distribuisaun ba sesta bazika too oras nee seidauk halo pagamentu husi governu. PM hatete, nee ministeriu sira liu liu ministeriu ba assuntu ekonomiko sei haree ida nee.

“Husu para sira labele preokupa, sira sei halo pagamantu,” hatete PM Taur.

Nia mos husu kompana sira atu labele preokupa kona ba pagamanetu nee rasik, tanba Ministeriu Koordenador ba assuntu ekonomia sei haree kona ba kestaun nee.

Aleinde nee resposta kona ba isu atu halo ezonerasaun, ba Komadante Polisia Nasional Timor Leste, Faustino da Costa, Primeiru Ministru dehan, lahatene kona ba informasaun nee.*

Reportajen: Emerenciana Pinto
Editora: Carme Ximenes

LEAVE A REPLY

Please enter your comment!
Please enter your name here