PM Hatoo Asuntu Importante Ba PR

DILI, STLNEWS.co – Primeiru Ministru, Taur Matan Ruak halo enkontru semanal ho Prezidente Republika, hodi hatoo assuntu importante ba iha Xefe Estadu.

Asuntu nee mak hanesan Simeira CPLP, prosesu vasinasaun no seguransa ou akontesementu neebe akontese iha rai laran.

“Nee enkontru semanal ho Prezidente Republika hau koalia asuntu tolu ho Excelencia, ida mak Simeira CPLP nia neebe mak sei halo iha angola ita kandidatura ba sekretariadu CPLP nia, ida seluk mak koalia konaba Covid no prosesu vasinasaun neebe agora lao hela, no ida ultima mak konaba seguransa nia, akontesementu sira neebe iha ita nia rai liu liu kazu Lahane Osidental, nee mak hau ohin informa ba Sua Excelencia Prezidente Republika,” hatete PM Taur ba jornalista bainhira remata hasoru malu ho PR, iha Palasiu Prezidente, Kinta (10/06/2021).

Primeiru Ministru hatutan, partisipa ba simeira CPLP, PM lapartisipa maibe kualker da formas reprezentante Timor Leste nia sei ba. Nunee mos kazu Lahane nee kondena oknum balun neebe mak tiru sidadaun nain rua mate fatin no nain ida kanek.

“Primeiru lugar ita kondena aktus sira hanesan nee aleinde hau triste liu manifesta hau nia tristeza akontesementu nee, tanba ida neebe mak komete aktu nee ho vitima familia hela ida nee mak hau triste liu, no problema hun saida hemu tua entau lia naksalak ba malu no polisia ho tiu mate no alin nee mesak familia deit uma lisan ida deit tan, tanba nee mak hau triste liu” hatete Taur.

Nia dehan, kona ba prosesu ba kazu nee lao hela, oknum polisia neebe mak tiru matebian nain rua mate nee iha prizaun preventiva hela.

PM mos kondena kazu nee rasik no PM rasik dehan laiha kazu ida mak justifika uza violensia, satan kazu neebe mak partikular Lahane nia neebe mak iha relasaun familia hela.

Nunee mos kona ba muda sistema husi Polisia Nasional Timor Leste (PNTL) PM hatete nee signifika katak sei iha difisiensia barak. “Nee signifika katak ita sei iha difisiensia barak nee serbisu ida neebe mak Ministeriu Interior tenke fo mos nia kontribuisaun liu liu Komando PNTL, buat ida ke hau hakarak apela ba komunidade tomak, povu tomak katak ema ida mak sala nee ema ida mak sala, ita labele dehan ema hotu mak sala, familia Antonio nia se João mak sala nia sala laos familia tomak nia sala, PNTL mos hanesan tanba nee mantein respeita no kooperasaun diak ho instituisaun ita nia hanesan liman, karik liman los ba Forsa Armadas, liman karuk mak PNTL” katak PM.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

MEJD Planu Sei Harii Tan Eskola

DILI, STLNEWS.co - Ministru Edukasaun, Juventude, no Desportu (MEJD), Armindo Maia hateten, tinan nee governu liu husi MEJD sei harii tan eskola hamutuk 250...

Aimoruk La Too, Komunidade Buruma Balun La Vasina

BAUCAU, STLNEWS.co - Komunidade iha Suku Buruma antusiasmu tebes atu simu vasina kontra Covid-19, maibe aimoruk la sufisiente, nunee balun deit mak simu vasina...

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...
%d bloggers like this: