PM Husu Kumpre Regra OMS – MS

DILI, STLNEWS.co – Primeiru Ministru (PM) Taur Matan Ruak husu sidadaun hotu kumpre nafatin regra husi Organizasaun Mundial Saude (OMS) no Ministeriu Saude (MS), tanba iha ona transmisaun ou kontaziu komunitariu.

“Importante los tanba ita iha Dili nee sai tiha ona sentru fatin neebe lori moras nee ba fatin fatin, ita iha ona nivel kontaziu komunitariu kuaze ita bele dehan hanesan ema walu nulu (80) resin mak loron loron kontaziu, entaun situasaun neebe mak preokupa ita, klaru Governu haree halo nusa mak kontinua fleksibliza tanba ita mos iha momentu neebe mak defisil oinsa mak familia sira rekopera sira nia situasaun ba trazedia iha foin dadauk dezastre naturais maibe ita mos kontinua nafatin prepara ita nia aan fo ita nia kontribuisaun hodi kombate Covid-19,” dehan Xefe Governu ba jornalista sira, hafoin remata enkontru ho Prezidente Republika, iha Palasiu Prezidensial, Nicolau Lobato, Bairru Pite, Dili, Sesta (30/04/2021).

Xefe Governu hatutan, kombate Covid-19 nee dala ida mak kontinua implementa protokolu Ministeriu Saude nia no OMS nia hanesan distansiamentu sosial, uza maskra, evita konsetrasaun sira neebe mak laiha nesesidade, tantu medidas sira nee implementa tinan ida resin ona.

“Hau hanoin Governu iha posibilidade kontinua tau matan ho fo apoiu ba ita nia sidadaun sira tuir buat neebe mak ita bele, hanesan ita boot sira haree ita iha sesta bazika kontinua lao, ita iha distribuisaun fos ba fatin fatin, uluk ba iha estudante sira ba Suai, depois mai ba fatin sira nebee mak presiza nomos iha Dili laran sira, ita kontinua halo ida nee” dehan nia.

Iha enkontru nee Prezidente Republika Francisco, Guterres Lú Olo hatete, desizaun halo konfinamentu obrigatoriu nee diak kapas, se kapas liu polisia implementa, tanba sira mak implementa medidas sira nee.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • PSA Vasina https://youtu.be/YnwLmcGBFOs Ministério dos Assuntos Parlamentares...
%d bloggers like this: