PM Husu Populasaun Prepara An Simu Senariu Pior

DILI, STLNEWS.co – Primeiru Ministru (PM), Taur Matan Ruak husu populasaun iha teritoriu laran, atu prepara an simu senariu pior kona posibilidade numeru kazu Covid-19 bele aumenta, nomos ema barak sei lakon nia vida tanba moras nee.

“Infelizmente ita hotu tenke prepara an ba senariu neebe aat liu, no labele lakon konfiansa no esperansa neebe presiza atu ita bele hakat liu no manan virus mortal ida nee iha tempu besik nia laran, Governu halao ona dilijensia hirak neebe presiza atu prepara ita nia pais ba senariu aat liu, neebe iha posibilidade, iha tempu badak, sei bele hakat liu kazu foun infesaun loroloron nian hamutuk rihun 1.000, hodi koloka Timor Leste iha topu mundial kona ba kazu foun sira, hanesan ho Brazil, Papua Nova Guine no india,” dehan Xefe Governu iha debate pedidu EE ba da-14, iha Parlamentu Nasional (PN), Sesta,(28/05/2021).

Xefe governu dehan, wainhira senariu at nee mak akontese duni, Timor Leste presiza rekonese preparasaun governu nia atu kombate Covid-19 iha TL. “Karik senariu nee mosu duni, ita tenke frontal no objetivu atu rekonhese katak ita nia Servisu Saude Nasional nian sei la preparadu atu hatan iha tempu util ba kazu hotu hotu, liu liu kona ba atendimentu ba situasaun emerjensia nian ka iha akompanhamentu no tratamentu ba kazu COVID-19 sira neebe grave liu, neebe tenke baixa iha unidade kuidadu intensivu nian,” dehan PM TMR.

Eis Prezidente Republika nee dehan, servisu Saude Nasional iha tempu badak sei hasoru situasaun ida neebe ho presaun boot tanba numeru kazu neebe presiza asistensia mediku ospitalar sae makaas, no situasaun nee bele agrava mos risku moris nian ba sira neebe iha nanis ona kondisaun neebe bele halo Covid-19 dezenvolve an ho forma ida neebe aat liu.

“Situasaun ida nee sei sai dezafiu boot ba ita nia Demokrasia no Instituisaun Estadu sira nian, nunee mos ba ita nia kapasidade prevensaun no reasaun iha faze resposta nian neebe hahu ona.Maibe ita labele husik lakon ahi esperansa, no fo ita nia konfiansa ba ezekusaun neebe lais husi Planu Nasional Vasinasaun nian, neebe lao daudaun, neebe halao daudaun hela iha ritmu neebe diak, neebe permite ona prosesu imunizasaun ba ita nia maluk sidadaun nain rihun 65.000,” dehan xefe governu.

Enkuantu dadaun nee Timor Leste, rejista ona ema nain 15 mate tanba moras nee.*

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: