PM Informa Assuntu Rua Ba PR

DILI, STLNEWS.co – Primeiru Ministru (PM) Taur Matan Ruak halo enkontru ho Prezidente Republika (PR), Francisco Guterres Lú Olo, hodi informa assuntu rua ba iha Xefe Estadu.

“Enkontru ho Prezidente Republika hodi informa situasaun rua ida mak evolusaun Covid-19 neebe mak iha ita nia rai nomos prosesu vasina neebe mak lao dadauk, no ida seluk mak konaba dezastre naturais neebe mak foin lalais lori konsekuensia boot ba infraestrutura.” dehan Xefe Governu ba jornalista sira, hafoin remata enkontru ho Prezidente Republika, iha Palasiu Prezidensial, Nicolau Lobato, Bairru Pite, Dili, Sesta (30/04/2021).

Prezidente Republika, Francisco Guterres Lú Olo mos kontinua husu governu hodi tau matan ba sidadaun sira, no buka halo nusa kontrola evolusaun Covid-19 iha rai laran.

PM mos resposta katak, Governu mos kompremente ba iha Prezidente Republika katak kontinua halo esforsu hodi minimiza risku ba Covid-19 nee ba populasaun sira.

“Aproveita husu mos ba ita nia komunidade sira, fo mos sira nia kontribuisaun tanba hanesan ita boot sira hatene horiseik halo serka sanitaria kuaze ba munisipiu 10, menus deit mak Manatuto, Aileu, no Raeoa nee hatudu katak evolusaun nee makaas liu numeru ba ema neebe mak afetadu ba Covid-19 nee makaas liu besik rihun rua resin liu, husi rihun ida resin mak sei ativu ho mate tolu,” katak nia. *

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: