PM Lamenta Oknum PNTL Halo Agresaun Hasoru Vendedor

DILI, STLNEWS.co – Primeiru Ministru Taur Matan Ruak lamenta oknum Polisia Nasional Timor Leste (PNTL) neebe mak halo agresaun hasoru vendedor ambulante neebe mak akontese iha Tasi Tolu.

PM Taur hatoo kestaun nee bainhira remata halo enkontru semanal ho Prezidente Republika Francisco Guterres Lu Olo Iha Palasiu Prezidente Bairru Pite, Kinta (27/05/2021).

“Hau lamenta mas hau mos fo orientasaun ba hau nia vice para reuniaun ho komandu sira komandante sira i naturamente prosesu disiplinar prosesu Investigasaun sei lao para haree apura,” dehan Primeiru Ministru Taur Matan Ruak.

Taur husu ba sidadaun sira para respeitu polísia sira, labele tuda sira, tanba ikus-ikus nee tuda polísia trata polísia tuda mos ambulansia mediku sira, kuandu susar laran presiza sira mas kuandu diak duni ema sira trata sira labele, nasaun bele kiik bele kiak mas povu sivilizadu.

“Entaun sivilizasaun nee hanorin ita respeitu nee importante, respeitu nee hahu husi ita nia uma laran ita ho ita nia inan aman sira ita ho ita nia maun alin sira i depois respeitu iha sosiedade nia leet,” katak nia.

Nia hateten, harmonia paz nee mai husi respeitu nee, kuandu respeitu laiha nee anarkizmu violensia nee buras iha i rai, tanba nee mak apela ba oan joven sira inan aman sira no mos PNTL sira kontinua mantein.

Iha fatin hanesan Komandante Polisia Nasional Timor Leste, Faustino Da Costa hatutan, konaba kazu hirak neebe mak akontese polisia la nonok maibe komando mos hasai ona ekipa konjuntu ida atu halo prosesu interna.

“Atu dehan deit ba ita boot akontesementu hirak nee atu dehan akontese duni maibe husi komandu laos atu Nonok tanba komandu hasai ona ekipa konjuntu tantu husi inspesaun no departamentu justisa para ba hasoru vitima sira tantu mos ba Membru PNTL sira nee hodi prosesu ba interna ninian, Aleinde kazu tasi tolu no mos kazu dala ruma ita boot sira rona akompana iha Liquica foho hanesan mos iha Suai,” katak KomJer nee.

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...

SEKoop Apoiu Komunidade Afetadu Inundasaun 253

DILI, STLNEWS.co - Governu liu husi Sekretariu Estadu Kooperativa (SEKoop), fo apoiu nesesidade bazika ba komunidade sira neebe maka hetan afetadu husi inundasaun iha...
%d bloggers like this: