PM Orienta Forsa Asegura Teritoriu Nasional

DILI, STLNEWS.co – Vise Ministru Interior Antonio Armindo, relata situasaun seguransa jeral iha rai laran ba Primeiru Ministru (PM), Taur Matan Ruak, liu liu kona ba implementasaun Estadu Emerjensia no rezolusaun governu kona ba konfinamentu obrigatoriu jeral iha kapital Dili, hodi responde ba surtu Covid-19.

Bainhira remata rona aprezentasaun, komandante operasaun forsa rua (F-FDTL- PNTL), nunee Primeiru Ministru fo orientasaun ba komandu forsa rua, atu kolabora hamutuk hodi asegura seguransa iha territoriu nasional.

“Husu atu membru seguransa sira kontinua halo nafatin sensibilizasaun hodi sidadaun sira komprende, nunee sira bele kumpre regras neebe Organizasaun Saude Mudial no Ministeriu Saude fo sai, atu ema hotu bele prevene aan husi moras invizivel nee,” haktuir Vise MI, Antonio liu husi Komunikadu GMMI, neebe STL asesu iha Tersa,(04/05/2021)

Antes nee, Komandu Jeral alerta ona ba kada Komandu Munisipiu no Komandante Operasaun halo ona mapamentu ba implementasaun serka sanitaria liu husi sosializasaun, sensibilizasaun, pasa revista iha estrada publiku, hodi bandu movimentu komunidade no transporte publiku sira neebe laiha nesesariu, hodi asegura implementasaun rezolusaun governu konaba konfinamentu obrigatoriu jeral.

Enkontru neebe halao iha rezidensia ofisial Primeiru Ministru nian iha Farol nee, hetan mos partisipasaun hosi Ministru Defeza, Filomeno da Paixão de Jesus, Tenente Jeneral Lere Anan Timur, Komandante Jeral PNTL, Komisariu Polisia Faustino da Costa, Segundu Komandante Jeral PNTL, Komisariu Polisia, Mateus Fernandes, Diretor Sentru Integradu Jestaun Krize, Brigadeiru Jeneral, João Miranda “Aluk Descartes”, Comodoro Donaciano Costa Gomes Pedro “Klamar Fuik”, Komandante PNTL Munisipiu Dili, Superintendente Xefi Polisia, Henrique da Costa no Komandante Komandu Operasaun PNTL, Superintendente Xefi Polisia, Pedro Belo.*

Reportajen: Santina Castro
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Seminarista Balide Agradese Xanana & Timor Oan iha Estranjeiru

DILI, STLNEWS.co - Seminarista sira husi Eskola Seminariu Nossa Senhora Fatima (SENOFA) Balide, Dili, agradese ba domin boot husi Lider Istóriku Kay Rala Xanana...

Kazu Espoza Teofilo Caldas; GMPTL Husu Mane Labele Sama Parseira

DILI, STLNEWS.co - Relasiona ho kazu Sekretariu Estadu Arte no Kultura (SEAK) Teofilo Caldas nia feen kaben, mate tanba deskonfia tara aan, Grupu Mulheres...

Hasai Imunidade Anabela, Olinda: $40 Deit Lalika Hatan Ba Tribunal

DILI, STLNEWS.co - Parlamentu Nasional (PN) hasai ona imunidade deputada bankada FRETILIN Anabela Savio, atu hodi ba hatan iha tribunal relasiona ho kazu mina....
%d bloggers like this: