PM Orienta MS Halo Investigasaun Kazu Bobonaro

DILI, STLNEWS.co – Governu liu husi Primeiru Ministru (PM), Taur Matan Ruak, iha reuniaun Konsellu Ministru fo ona orientasaun ba Ministra Saude (MS) atu halo investigasaun konaba kazu depois de vasina rezulta Ilaria de Jesus lakon vida iha Munisipiu Bobonaro.

Ministru Prezidensia Konsellu Ministru (MPKM), Fidelis Leite Magalhães hatete, informasaun neebe akontese iha Munisipiu Bobonaro, Xefe Governu husu ona ba MS atu buka klean motivu los husi vitima nee nia lakon vida.

“Kazu ida vitima ida halo referensia ba informasaun neebe fo sai, infelismente vitima ba iha vasina neebe administra iha Bobonaro neeba, Primeiru Ministru fo ona orientasaun ba Ministra Saude no ekipa interministerial vasina nian atu buka tok klean motivu los husi vitima nee nia lakon vida mak saida, ita tenke hatene ho klean, horisehik kedas ami hetan informasaun nee orienta informa kedas ba iha Ministra Saude,” dehan Ministru Fidelis, hafoin remata reuniaun Konsellu Ministru iha Palasaiu Governu, Kinta (01/07/2021).

Nia dehan, Ministra Saude mos koordena diretamente kedas ho Sentru Integradu Jestaun Krize (SIJK) laos iha Dili deit, mais iha munisipiu hotu, liu liu Bobonaro no iha mos ekipa saude munisipiu no iha postu.

“Detallus lalaok ohin Konsellu Ministru rona, informasaun neebe hatoo desde tuku hira mak vitima Ilaria ba iha fatin vasina, tuku hira mak lao fila fali ba uma, saida mak kauza vitima matebian atu dezmaia no kondisaun medika saida vitima iha antes simu vasina inklui saude vitima nian rasik, buat hira nee hotu Konsellu Ministru iha informasaun,” tenik nia.

Nia informa, maibe PM orienta ba iha Ministra Saude atu fo atensaun neebe seriu no konfirma ho klean razaun vitima Ilaria nian, atu esklarese ba nia povu motivu loloos nee saida, se kauza nee tanba vasina ka lae.

Tanba nee ohin orientasaun Primeiru Ministru fo horikalan kedas nia simu, orientasaun husi PM atu tau matan kedas ba situasaun nee.

“Hetan informasaun nee hau rasik ho ministeriu sira seluk atu bele hetan informasaun direta husi terenu, nunee bele hatoo direta fali ba PM husi minutu ida ba minitu seluk,” hakotu nia.

Reportajen: Santina Castro
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: