PM Relata Asuntu 3 Ba PR

DILI, STLNEWS.co – Primeiru Ministru Taur Matan Ruak relata asuntu tolu, hanesan hasai Serka Sanitaria (SS), kampana vasinasaun, nomos jornada orsamentu nian ba Prezidente Republika Francisco Guterres Lú Olo.

“Nee enkontru semanal ho Prezidente Republika, hau aprezenta assuntu tolu, ida mak konaba SS, tanba ita hasai SS iha Dili, kazu ita sei besik atus ualu resin, maibe ita bele hasai atu bele ajuda kampana vasinasaun, hanesan ita boot hatene, ita nia esperiénsia kombate Covid-19 nee, ita liu tiha ona faze rua, primeiru mak, ida nia sae depois nia tuun, no tuun tiha sae fila fali, segundu faze tuun fali ona,” dehan PM Taur bainhira remata enkontru iha Rezidensia PR Farol, Kinta nee (30/09/2021).

Nia hatete, kazu Covid-19 numeru neebe mak tuun, aproveita para halo kampana, nunee nia numeru sae fali karik, iha ona parte ida aproveitamentu, liu – liu iha kampana vasinasaun nian.

Taur hatutan, kampana vasinasaun nee importante los, tanba governu agora prepara hela planu ba normalizasaun, no planu normalizasaun mos ezije populasaun anivel nasional no munisipal tenke atinje 70% ou 80% vasina.

Iha biban nee, Xefe Governu nee mos informa ba iha Prezidente Republika katak, kampana vasinasaun nee, membru governu hotu sai hotu ba munisipiu sira, PM husu kada membru governu husi munisipiu neebe fila ba nia munisipiu, nunee iha relasaun ho komunidade sira, nunee apela no husu inan aman sira atu partisipa diak iha vasinasaun.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...