PM Taur Alerta MTK Asegura Konektividade Aero

DILI, STLNEWS.co – Primeiru Ministru (PM), Taur Matan Ruak husu Ministru Transporte no Komunikasaun (MTK) atu asegura konektividade aero iha futuru ho nasaun hotu-hotu.

Ministru Transporte no Komunikasaun, Jose Agostinho da Silva hateten, enkontru ho Primeiru Ministru nee, koalia kona ba oinsa atu asegura nafatin konektividade aero ba nasaun Indonezia, Malazia, Australia, Amerika nomos nasaun balun iha europa neeba.

“Tanba nee mak ohin sua exelensia Primeiru Ministru alerta ona ba hau para haree tok ba futuru nee iha kondisoens ruma bele asegura ita nia konektividade aero,” dehan Ministru Jose Agostinho da Silva iha salaun Ministeriu Finansas, Kuarta (16/06/2021).

Governante nee dehan, vo sira durante nee ho karakter charter flight hanesan iha atendimentu ba nesesidade esensiais ruma durante nee aplika ba traballador Timor oan sira iha estranjeiru atu fila mai Timor no diplomata sira durante situasaun estadu emerjensia tanba pandemia Covid-19.

“Ohin sua exelensia Primeiru Ministru alerta hau, nudar Ministru Transporte no Komunikasaun, hau sei halo diskusaun ho teknika sira husi aviaun sivil para haree asuntu nee diak,” Jose tenik.

Nia dehan, kona ba atu loke fila fali vo aviaun normal, depois mak sei tetu tanba hatur desizaun nee sentidu makas.

“Depois mak ita sei tetu tanba ita nia situasaun agora nee, iha situasaun pandemia sentidu la halimar bainhira hatur desizaun, i desizaun prosede ba desizaun kolektiva,” dehan Ministru.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: