PM Taur Hato’o Sentidu Kondolensia Ba Familia Jorge Sampaio

DILI, STLNEWS.co – Primeiru Ministru (PM) Taur Matan Ruak hato’o sentidu kondelensia ba familia eis Prezidente Republika (PR) Portugal Jorge Sampaio neebe iha Sesta (10/09/2021) fila hikas ona ba Aman Maromak nia kadunan santu.

“Lori Governu Konstitusional VIII nia naran, hau nia naran rasik no hau nia kaben nia naran, ami hato’o kondolensia klean ba familia, kolega, no belun sira husi saudozu eis Prezidente Republika Portuguesa Jorge Fernando Branco de Sampaio, neebe derepente deit fila hikas ona ba Aman Maromak nia kadunan santu,” haktuir komunikadu Gabinete Primeiru Ministru (GPM) neebe STL asesu iha Sabadu nee (11/09/2021).

Durante mandatu rua, eis Prezidente Jorge Sampaio nian (1996 – 2006), katak mundu konsiente ba represaun Indonézia.

Eis Prezidente Jorge Sampaio, iha tempu neeba aproveita nafatin palku internasional sira hotu hodi fo apoiu no ativizmu neebe forte ba kauza Timoroan nian iha luta ba direitu autodeterminasaun no independensia.

Jorge Sampaio tama iha istoria hanesan prezidente neebe kontribui tebes ba restaurasaun independensia nasional. Nia rasik sai hanesan testemunia, nuudar konvidadu de onra iha serimonia neebe halao iha loron 20 fulan Maiu tinan 2002, iha Dili, Timor-Leste. Eis Prezidente Jorge Sampaio nee sei lembra iha mundu hanesan figura importante liu ba kauza sira no ba liberdade, no sei rekonese nuudar Timor-Leste no Timoroan sira nia belun boot ida.

“Liafuan laiha atu hato’o iha tempu susar no tristeza, bainhira lakon belun doben ida. Ita nia pensamentu no orasaun sei hamutuk belun doben, Maria Jose Rodrigues Ritta, ho ita boot nia familia, kolega no belun sira hotu, atu bele iha forsa no fiar nafatin hodi hakat liu momentu defisil ida nee,” haktuir komunikadu nee.

Eis Prezidente Republika Portugal nee moris iha Lisboa 18 Setembru 1939, no mate iha loron Sesta 10 Setembru 2021 ho idade 82.*

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: