PM Taur Hato’o Votus Parabens Arcebispo Dom Virgilio

DILI, STLNEWS.co – Primeiru Ministru Taur Matan Ruak, hodi VIII Governu konstitusional nia naran, hato’o votus parabens ba Arcebispo hosi Arkidioseze Metropolitana Dili, Rev. Dom Virgílio do Carmo da Silva, SDB, ne’ebé iha Domingu (23/08/2020) hetan insígnia Páliu (Pálio – Portugues ) husi Santa Sé, ne’ebé atribui liu husi Prezidente Konferénsia Episkopál Timorense, Dom Norberto Amaral iha ambitu selebrasaun misa Domingu iha Katedral Nossa Senhora Imaculada Conceição, Dili.

“Hodi VIII Governu Konstitusional nia naran, no hau nia naran rasik, hakarak hato’o votus parabens ba Amo Dom Virgílio do Carmo da Silva SDB, ne’ebé iha loron Domingu simu ona Pálio husi Santa Sé,” haktuir komunikadu Gabineti Primieru Ministru ne’ebé STL,Segunda, (24/08/2020).

Xefe governu dehan, infelizmente nia labele partisipa iha serimonia ne’e tanba kondisaun saúde, maibe através meius ne’e manifesta nia votus susesu ba Dom Virgílio do Carmo da Silva SDB, ne’ebé iha loron Domingu simu ona Pálio husi Santa Sé.

Enkuantu simbolu husi Pálio ka kanopi ne’e, hodi indika komuniãun Arcebispo nian ho Pontífise, no ho Tronu Pedro nian, ho ida ne’e hafoin kanopi ne’e halo tiha, rai hela iha rate São Pedro nian (iha altar konfisaun nian iha Basilika São Pedro, Roma) to’o iha solenidade São Pedro no São Paulo nian, hafoin ne’e entrega husi Papa ba Arcebispo sira. Iha kazu Arcebispo ne’ebé atu simu Pálio la hola parte iha selebrasaun ne’e, nia Páliu kontinua rai hela iha rate São Pedro nian to’o entrega ba nain.

Insigniasaun Pálio ne’e mos hatudu Arcebispo nia autoridade, konaba Arkidioseze. Arcebispo hanesan bispu iha sidade importante (metropole), tau matan mos ba dioseze vizinu sira iha kazu vakansia (mate ou renunsia hosi bispu). Tanba ne’e Arcebispo bele uza nia Pálio ne’e iha selebrasaun hotu-hotu ne’ebé nia prezide ou konselebra iha Arkidioseze ou iha dioseze sufraganea.

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Video Vasina https://youtu.be/_p-St6W4XHw Ministério dos Assuntos...

Ema 200 Aprende Materia Kooperativa

DILI, STLNEWS.co - Sidadaun hamutuk 200 tuir formasaun husi Sekretaria Estadu Kooperativa (SEKoop), kona ba materia koperativa nian durante semana ida. Tuir Diretor Jeral Sekretariu...

Hakarak Atividade Lao Normal, Taur Apela Komunidade Simu Vasina

DILI, STLNEWS.co - Primeiru Ministru (PM) Taur Matan Ruak apela ba populasaun atu partisipa iha kampania vasinasaun, nunee wainhira tasa partisipasaun aas governu bele...
%d bloggers like this: