PM Taur Husu MD Solusiona Problema Portu Hera

DILI, STLNEWS.co – Primeiru Ministru Taur Matan Ruak iha Tersa Feira nee fo ona orientasaun ba Ministru Defeza (MD), atu buka solusaun hodi hasai sedimentasaun iha Portu Naval Hera neebe kauza husi inundasaun neebe mak akontese iha loron 4 Abril liu ba.

Tuir Ministru Defeza (MD) Filomeno Paixão katak, xefe governu fo ona orientasaun ba nia parte atu buka solusaun hodi rezolve problema sedimentasaun iha Portu Hera neebe kauza husi dezastre naturais neebe akontese iha loron 4 Abril liu ba.

“Primeiru Ministru Taur Matan Ruak bolu hau mai, tanba nia preokupa tebes ho kondisaun Naval Hera, tanba udan boot neebe akontese iha loron 4 Abril liu ba mota neebe tun husi Remexio hamosu sedimentasaun iha portu Naval Hera, nunee bele difikulta obra Australianu ajuda ita konstrui portu ba ro militar rua neebe sira atu fo mai tan,” informa MD Filomeno Paixão hafoin remata enkontru ho PM Taur iha rezidensia Xefe Governu, Farol, Tersa (27/04/2021).

Nia dehan, iha loron hirak liu ba Primeiru Ministru Taur Matan Ruak no Ministru Obras Publika rasik halo ona vizita hodi mobiliza ekipamentu para hadia dalan nunee labele fo impaktu ba prosesu konstrusaun ba portu Naval Hera.

Nia hatutan, esforsu neebe dadaun nee governu halo mak sei harii moru protesaun hodi satan mota Hera bele sees ba parte karuk loro monu nian hodi evita sedimentasaun.

Tanba nee governu liu husi Ministeriu Defeza kontinua halo koordenaasaun ho Governu Australia para bele aselera lalais servisu ba prosesu konstrusaun Portu Naval Hera nunee iha tinan 2023 bele entrega ona ba governu Timor Leste.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: