PM Taur Kongratula Jornalista Komemora Liberdade Imprensa

DILI, STLNEWS.co – Primeiru Ministru (PM), Taur Matan Ruak, hatoo votus felisitasaun ba jornalista sira hotu iha mundu tomak no partikularmente iha Timor Leste neebe ohin Segunda 3 Maio 2022, selebra loron mundial liberdade imprensa.

“Lori hau nia naran no governu nia naran, hakarak hatoo votus felisitasaun ba jornalista sira iha mundu tomak no espesialmente ba jornalista Timoroan sira hotu, ba imi nia loron espesial ohin,” haktuir komunikadu Gabineti PM neebe STL asesu Segunda (03/05/2021) nee.

Xefe governu afirma, loron 3 fulan Maiu, hanesan loron espesial ida ba jornalista sira, neebe nasaun unidas adopta hanesan loron mundial liberdade imprensa hodi fo hanoin ba pais hotu iha mundu tomak atu respeita liberdade imprensa.

“Tuir indise liberdade imprensa mundial nian ba tinan 2021 hosi Report Without Borders (RSF), hatuur Timor Leste iha pozisaun 71 ho pontuasaun global 29.11 hosi total Pais 180 neebe RSF rekolla, hatudu katak ita nia nivel iha avansu diak liu iha Sudoeste aziatiku, wainhira ita kompara ho Pais balun neebe ukun an kleur ona, mais sira nia liberdade imprensa sei dook liu hosi ita-nian. Nee hatudu katak liberdade imprensa iha ita nia nasaun, nia iha fatin, tanba nee ita hotu tenke orgullu ba prestasaun ida nee,” haktuir komunikadu nee.

Iha nasaun Timor Leste, governu respeita tebes liberdade imprensa, no iha vontade atu kontinua apoiu insitiuisaun media sira hodi kontinua halao sira nia knaar ho independente, imparsialidade, respeitu kode etika jornalista no responsabilidade nuudar pilar importante iha nasaun demokrasia.

Timor Leste daudaun nee hasoru hela obstaklu boot rua, ida mak dezastre naturais neebe akontese iha loron 4 fulan Abril kotuk, no ida seluk mak pandemia Covid-19. Governu halo esforsu hotu hotu oinsa atu minimiza impaktu hosi kalamidade rua nee. Iha situasaun sira hanesan nee, jornalista sira nia kontribuisaun oinsa tulun estadu iha divulgasaun informasaun neebe loos, justu, kredivel no mais edukativu atu bele ajuda ita nia estadu iha situasaun ida nee.

Tanba nee Xefe Governu agradese tebes ba jornalista sira nia kontribuisaun sira durante nee, nee hatoo ona informasaun ba publiku sira relativa ho atividade sira governu nian, maske jornalista sira iha Timor Leste hasoru difikuldades oioin iha terrenu, maibe nafatin iha vontade.*

Reportajen: Alberto Menezes
Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Numeru Infetadu Covid-19 Iha Prizaun Becora Sae Ba 221, Covalima 37

DILI, STLNEWS.co - Ministru Justisa (MJ) Manuel Carceres hateten, iha prizaun Becora dadaun nee numeru infetadu ba moras Covid-19 husi dadur no guarda prizaun...

Projetu Neebe Finaliza, Governu Tenke Halo Pagamentu

DILI, STLNEWS.co - Reprezentante povu iha uma fukun Parlamentu Nasional, (PN) husu ba governu atu halo pagamentu ba projetu 44 neebe kompania sira finaliza...

Numeru Covid Aumenta, Adriano: Fatin Ba Pasiente Grave La iha

DILI, STLNEWS.co - Deputadu Adriano do Nascimento hatete, kada loron numeru Covid-19 iha Timor Leste kontinua aumenta ba bebeik, maibe fasilidade liu liu ba...
%d bloggers like this: