PM Taur Kongratula Jose Ramos Horta

DILI, STLNEWS.co – Primeiru Ministru (PM) Taur Matan Ruak kongratula prezidente eleitu, Jose Ramos Horta neebe kaer pasta nudar Prezidente Republika (PR) ba periodu tinan 2022-2027.

PM Taur hatoo kongratulasaun nee wainhira halo enkontru ho Prezidente Republika Francisco Guterres Lú Olo iha Palasiu Prezidente Bairru Pite, Kinta nee (21/04/2022).

Nia hatete, nee enkontru semanal ho Prezidente Republika Francisco Guterres Lú Olo, depois de eleisaun iha loron hirak liu ba, iha hasoru malu nee koalia asuntu tolu.

“Koalia asuntu tolu ida mak paraminiza ita nia populasaun tomak sira nia kontribuisaun no partisipasaun iha eleisaun segundu volta neebe lao ho diak, hau aproveita fo kongratula kandidatu mais eleitu Dr. Jose Ramos Horta,” dehan nia.

Asuntu segundu koalia ho Prezidente Republika mak konaba preparativu governu nian ba tomada de pose ba Prezidente Republika neebe eleitu, no asuntu terseiru mak koalia konaba seguransa iha rai laran nian.

PM hatete, preparasaun ba tomada de pose ba prezidente eleitu oras nee lao hela no Ministeriu Estatal mak halo iha Tasi Tolu, espera katak preparativu hotu lao diak too loron neebe tomada de pose akontese.

Primeiru Ministru hatutan, oras nee governu halo preparasaun makaas ba tomada de pose neebe mak sei realiza iha Tasi Tolu.

(eme)

LEAVE A REPLY

Please enter your comment!
Please enter your name here

NEWS UPDATE

Numeru Konflitu Tuun Makaas Dezde Governu Desidi Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak hateten, dezde governu desidi reativa atividade Grupu Arte Marsiais no Arte Ritual, numeru konflitu iha...

Taur Apresia Esforsu SEJD-KRAM Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak agradese esforsu Sekretariu Estadu Juventude no Desportu (SEJD) no Prezidente Komisaun Reguladora Arte Marsias (KRAM ), neebe...

Sasin La Iha Konhesimentu Kazu Konstrusaun Armajen Foos

DILI, STLNEWS.co - Kazu konstrusaun armajen foos, Tribunal Distrital Dili kontinua rona sasin. Tanba nee, iha julgamentu kontinuasaun nee, tribunal rona sasin ho inisial MC neebe...